Populære bibelvers fra 1 Corinthians 13

Del

မေတ္တာတရားသည် စိတ်ရှည်တတ်သည်။ ကြင်နာတတ်သည်။ မေတ္တာသည် ဂုဏ်ပြိုင်ခြင်းမရှိ၊ ဝါကြွားခြင်းမရှိ၊ မာန်မာနမရှိ။ မေတ္တာတရားသည်မရိုင်းစိုင်းတတ်။ ကိုယ်ကျိုးမရှာတတ်။ အလွယ်တကူဒေါသမဖြစ်တတ်။ သူတစ်ပါး၏အပြစ်ကိုမှတ်မထားတတ်။

မေတ္တာတရားသည် အစဉ်အမြဲကာကွယ်ပေးတတ်သည်။ အစဉ်အမြဲယုံကြည်တတ်သည်။ အစဉ်အမြဲမျှော်လင့်လျက်ရှိသည်။ အစဉ်အမြဲသည်းခံတတ်သည်။

မတရားသောအမှုကိစ္စတို့ကိုဝမ်းမြောက်ခြင်းမရှိတတ်။ သို့သော် တရားသောအမှုကိစ္စတို့အတွက်ဝမ်းမြောက် တတ်သည်။

ယခုတွင် ယုံကြည်ခြင်း၊ မျှော်လင့်ခြင်း၊ ချစ်ခြင်းမေတ္တာ ဤသုံးပါးတည်ရှိလျက်ရှိသည်။ ဤသုံးပါးအနက် ချစ်ခြင်းမေတ္တာသည်အမြတ်ဆုံးဖြစ်သည်။

မေတ္တာတရားသည် အစဉ်ထာဝရတည်ရှိသည်။ သို့သော် ရှေ့ဖြစ်ဟောနိုင်ခြင်း၊ ဘာသာစကားအမျိုးမျိုး ပြောဆိုနိုင်ခြင်း၊ အသိဉာဏ်ပညာဗဟုတုတတို့ဖြင့်ပြည့်စုံခြင်းတို့သည် အမြဲမတည်ရှိဘဲ ပျောက်ကွယ်သွားလိမ့် မည်ဖြစ်သည်။

အကျွန်ုပ်သည် လူတို့၏ဘာသာစကားကိုလည်းကောင်း၊ နတ်ဒေဝါတို့၏ဘာသာစကားကိုလည်းကောင်း ပြောနိုင်သော်လည်း မေတ္တာတရားမရှိလျှင်အကျွန်ုပ်သည်ဆူညံသောမောင်းသံကဲ့သို့လည်းကောင်း၊ ပဲ့နေသောလင်းကွင်းကဲ့သို့လည်းကောင်းဖြစ်နေမည်ဖြစ်သည်။

အကျွန်ုပ်သည် ရှေ့ဖြစ်ဟောနိုင်သည်ဖြစ်စေ၊ လျှို့ဝှက်နက်နဲသောအရာများနှင့် ဗဟုသုတအားလုံးကို သိရှိနားလည်နေသည်ဖြစ်စေ၊ တောင်များရွေ့နိုင်သောယုံကြည့်ခြင်းရှိသည်ဖြစ်စေ အကျွန်ုပ်၌မေတ္တာတရားမရှိလျှင် အကျွန်ုပ်သည် အချည်းအနှီးသာဖြစ်သည်။

အကျွန်ုပ်သည် အကျွန်ုပ်တွင်ရှိသောဥစ္စာပစ္စည်းအားလုံးကို ဆင်းရဲသားတို့အားလှူဒါန်းသည်သာမက အကျွန်ုပ်၏ကိုယ်ခန္ဓာကို မီးရှို့ပူဇော်ရန်ပေးအပ်သော်လည်း အကျွန်ုပ်၌မေတ္တာတရားမရှိလျှင် အကျွန်ုပ်သည် အချည်းအနှီးသာဖြစ်သည်။

အကျွန်ုပ်ငယ်စဉ်အခါတွင် ကလေးငယ်ကဲ့သို့ပင်စကားဆိုသည်။ ကလေးငယ်ကဲ့သို့ပင်တွေးခေါ်သည်။ ကလေးငယ်ကဲ့သို့ပင်ဆင်ခြင်သုံးသပ်သည်။ အကျွန်ုပ်အရွယ်ရောက်လာသောအခါ ကလေးငယ်ကဲ့သို့ပြုမူခြင်းများ ကိုရပ်တန့်လိုက်သည်။