Populære bibelvers fra Pahayag 17

Del

Geraán de u Tupa pero taluwán na hide, dipo siya u Panginoon nu atanan a panginoon sakay Hare nu atanan a hare. Kaguman na tu tagumpay u dinulaw sakay pinile na a nagin tolay na, a matapat a palagi a magserbi nikuna.”

Nadid ay immadene nikán u essa tu pitto a anghel a te tatawed a pitto a malukung, kinagi na, “Karon he, ta ipeta ko niko ni kodya a parusaan u raina nu kahalayan. I bábbiyan iye ay u dakál a banuwan a netaknág tu adene nu pamágtagbuwan nu makpal a konayan.

U makaánteng a hayup a netan mo ay biyag tu itod pero patay dán nadid; pero lumitaw siya a huway a gábwat tu ábbut a awan ti kahád ti kadsalad sakay agad na a tamuwán u kaparusaan. Ketan siya nu tolay hide ti lutaáy a awan nakasulat u ngahan de tu libro a listaan nu tolay hide a inatádden ti biyag a awan ti kahád. Bagu a lalangán i munduway, u ngahan de ay awan nelista ti libruwan itod pákketa de tu makaánteng a hayup, hide ay magtaka, dipo tukoy de a nabuno dán siya, pero lumitaw siya a huway a biyag.

Sakay nakasulat tu kidáp na u ngahan ni iye a te lihim a kahulugan, “U tanyag a Babilonia, u ina nu bábbey a bábbayaden sakay atanan nu tolay ti munduway ay maggimet ti mágkalaswa.”