Populære bibelvers fra Efeso 2

Del

Nilalang kitam nu Diyos, sakay tu pamamag-itan nu pákpagkaessa tam ni Cristo Jesus ay inatádden na kitam ti bigu a biyag tánni gamitán tam tu pággimet ti maganda. Dipo itod dán u date na a plano a gustu na a gimitán tam.

Dipo tu habag nu Diyos ay naligtas kam tu pamamag-itan nu pánnampalataya moy ni Cristo. Iye a kaligtasan ay kaluub nu Diyos, bakán a gábwat nikam. Bakán iye a dipo tu mágkaganda moy hide a gimet kanya awan ti mepagmadakál u deyaman.

Pero kinagbiyan kitam nu Diyos sakay minahal na kitam ti husto. Maske ni inturing na kitam a patay dipo tu págsuway tam ay biniyag na kitam a huway nikuna a biniyag na ti Cristo. Naligtas kam dipo la tu habag nu Diyos.

Dipo tu pákpágkaessa tam ni Cristo Jesus, ay biniyag na kitam a huway a kaguman ni Cristo sakay pinággetnod na ti langet a kaguman na.

Kaya awan kamon taga-iba a bansa nan kabanuwan kamon nu pinile hide nu Diyos sakay kasale tu pamilya na. Kumán kitam a bilay, u pundásyon ay u intoldu nu apostol sakay u prupeta hide sakay u pinakamahalaga a bito ay ti Cristo Jesus.