Populære bibelvers fra Colosas 2

Del

Ta tinanggap moy dán ti Cristo Jesus bilang Panginoon, ay dapat mabiyag kam a karapat-dapat nikuna. Manatile kam nikuna sakay tulos-tulos a lumagu tu pákkakilala moy nikuna. Magpakatibay kam tu pánnampalataya a netoldu nikam, sakay lagi kam a magpasalamat tu Diyos.

Magingat kam tánni awan kam madaya nu maskin deya tu pamamag-itan nu awan hide ti kabuluhan a makadaya a toldu a awan naggábwat ni Cristo, nan kagi-kagi la nu mágkatanda hide sakay nu mágkadukás a ispirito.

Tu itod, ay nebilang kam a patay dipo tu kasalanan moy hide. Pero nadid ay biniyag kamon nu Diyos a kaguman ni Cristo. Sakay pinatawad na u kasalanan tam hide. Tehhod kitam nakwa a panagutan tu Diyos dipo awan tam natupad u Kautusan. Pero imbut iye nu Diyos tu pamamagitan nu kákkepako ni Cristo tu kudus. Kaya awan na kitamon parusaan.

Kaya diyan kam padaya dipo u buo a pagka-Diyos ay katoy ni Cristo maskin nagin tolay siya. Sakay dipo tu pákpagkaessa moy nikuna, ay hod dán nikam u atanan a kailangan moy tu pánnampalataya moy. Ti Cristo u puno tu atanan a te kapangyariyan sakay kapamahalaan.

Kanya dyan kamon pasakup tu ánya man a patakaran tungkul tu makan oni mainom, tungkul tu piyesta, tu bigu a bulan oni tu Aldew nu Káimang. Iye hide ay anino la nu bagay hide a pademát. Pero ti Cristo u katupaden ni iye hide a atanan.