Populære bibelvers fra 1 Juan 5

Del

Kaya awan kitam magalangan a umadene nikuna dipo tukoy tam a iyatád na u ányaman a agidán tam ni ayun iye tu kagustuwan na.

Ni tukoy tam a sanigán na kitam, tukoy tam be a iyatád na u ányaman a agidán tam nikuna.

Dipo u tatahoden a magmahal tu Diyos ay u sumunud tu utus na hide. Sakay awan mahirap a sunudán u utus na hide, dipo napagtagumpayan dán nu atanan a anak nu Diyos u mágkadukás a gimet ti munduway. Nagtagumpay kitam dipo tu pánnampalataya tam ni Jesu-Cristo.

Ni ti deyaman u nákpagkaessa tu Anak nu Diyos ay tehhod a biyag a awan ti kahád pero u awan hide nákpagkaessa tu nu Anak nu Diyos ay awan ti biyag a awan ti kahád.

Insulat ko iye nikam tánni matukuyan moy a u simmampalataya hide tu Anak nu Diyos ay tehhod a biyag a awan ti kahád.

Tukoy tam a u anak hide nu Diyos ay awan tulos-tulos ti págkakasala, dipo bantayan hide ni Jesu-Cristo. Sakay awan hide maare a ahikadán ni Satanas.