Populære bibelvers fra Sealm 63

Del

God min, God min, ­ ­ ­ ­ ­ic þe gearuwe to æt leohte gehwam ­ ­ ­ ­ ­lustum wacie. Min sawl on ðe ­ ­ ­ ­ ­swyðe þyrsteð and min flæsc on ðe ­ ­ ­ ­ ­fæste getreoweð.

Ys þin milde mod ­ ­ ­ ­ ­micele betere þonne þis læne lif ­ ­ ­ ­ ­þe we lifiað on; weleras ðe mine ­ ­ ­ ­ ­wynnum heriað.

Swa ic ðe on minum life ­ ­ ­ ­ ­lustum bletsige and ic on naman þinum ­ ­ ­ ­ ­neode swylce mine handa þwea ­ ­ ­ ­ ­halgum gelome.

On westene ­ ­ ­ ­ ­and on wege swylce and on wæterflodum ­ ­ ­ ­ ­wene ic swiðe, þæt ic ðe on halgum ­ ­ ­ ­ ­her ætywe, þæt ic þin wuldur and mægen ­ ­ ­ ­ ­wis sceawige.

forðon þu me on fultum ­ ­ ­ ­ ­fæste gestode. Ic beo fægere beþeaht ­ ­ ­ ­ ­fiðerum þinum and hiht on ðon ­ ­ ­ ­ ­hæbbe georne, forðon min sawl on ðe ­ ­ ­ ­ ­soðe getreoweþ; me ðin seo swiðre onfencg ­ ­ ­ ­ ­symble æt ðearfe.

Swa ic þin gemynd ­ ­ ­ ­ ­on modsefan on minre reste ­ ­ ­ ­ ­rihte begange, and on ærmergen on ðe ­ ­ ­ ­ ­eac gewene