Populære bibelvers fra Sealm 46

Del

“Geæmetgiað eow nu, and gesioð þæt ic eom ana God and me nu upahebbe ofer ða elðeodegan folc, and eac on þysum folce ic beo nu upahæfen.”

Dryhten ys ure gebeorh and ure mægen and ure fultumend on earfoðum þa us swiðe swiðlice oft on becomon. For þam we us ne ondrædað, þeah eall eorðe sy gedrefedu, and þeah þa muntas syn aworpene on midde þa sæ.

Þa wæs geblissod seo Godes burh on Hierusalem for þam cyme þæs scures þe hy geclæsnode; se hyhsta gehalgode his templ inon þære byrig. For þam ne wyrð seo burh næfre onwend, þa hwile þe God byð unonwendedlic on hire midle. God hyre gehealp swyþe ær on morgen.

He afierð fram us ælc gefeoht ut ofer ure landgemæru, and forbrycð ura feonda bogan, and eall heora wæpn gebryt, and heora scyldas forbærnð. (Þa andswarode God þæs witgan mode and cwæð eft þurh þone witgan:)