Populære bibelvers fra Sealm 37

Del

and blissa on Drihtne; þonne syleð he þe þæt þu bidst on þinum mode.

Onwreoh Gode þine wegas and hopa to him; he þe gedeð fultum

Beo þu Gode underþyd and halsa hine, and ne onhyre þam þe byð orsorh on his wege, and wyrcð, þeah, unriht.

Ac þu hopa to Drihtne and do good, and buwa eorðan, and fed þe on hyre welum

Fram Gode byð gereht se weg þæs rihtwisan, and hine lyst his wega and his weorca swiðe. And þeah se rihtwisa afealle, ne wyrð he gebrysed, ne his nan ban tobrocen, for þam God gefehð his hand and hine upparærð.

and he gedeð þine rihtwisnesse mannum swa sweotole swa sunnan, and þinne dom he gedeð swa sweotolne swa sunne byð to middes dæges.

Forlæt yrre and hatheortnesse; ne bysna þe be nanum þæra þe yfel don

Ic wæs geo geong, and nu ic ealdige, and ne geseah ic næfre rihtwisne man forlætenne, ne his sæd þæt wære hlafes wædla.

Ne wundrie ge þæra yfelwillendra and þæra orsorgra, ne him na ne onhyriað, ne eow ne ofþince þeah eow ne sy swa swa him þam þe unriht wyrcað