Populære bibelvers fra Sealm 119

Del

Þæt is fæle blacern ­ ­ ­ ­ ­fotum minum, þæt ic þin word, Drihten, ­ ­ ­ ­ ­wel gehealde, and þæt ys þæt strange leoht ­ ­ ­ ­ ­stige minre.

For ðon ic on minre heortan ­ ­ ­ ­ ­hydde georne, þæt ic þinre spræce ­ ­ ­ ­ ­sped gehealde, þy læs ðe ic gefremme ­ ­ ­ ­ ­fyrene ænige.

On hwan mæg se iunga ­ ­ ­ ­ ­on gōdne weg rihtran þe rædran ­ ­ ­ ­ ­ræd gemittan, þonne he þine wisan ­ ­ ­ ­ ­word gehealde?

Eadige beoð swylce, ­ ­ ­ ­ ­þa þe a wyllað his gewitnesse ­ ­ ­ ­ ­wise smeagan, and hine mid ealle ­ ­ ­ ­ ­innancundum heortan hordcofan ­ ­ ­ ­ ­helpe biddað.

Þu me fultumian scealt, ­ ­ ­ ­ ­fæle gestandan and andfenga ­ ­ ­ ­ ­æghwær æt ðearfe, and ic on þin word ­ ­ ­ ­ ­wel getreowe.

Syle me andgit eac, ­ ­ ­ ­ ­þæt ic æ þine smeage mid soðe, ­ ­ ­ ­ ­swylce healde on ealre minre heortan ­ ­ ­ ­ ­holde mode.

Ahyld mine heortan, ­ ­ ­ ­ ­þæt ic halige nu on þine gewitnysse ­ ­ ­ ­ ­wise gecyrre; nalæs me gitsung ­ ­ ­ ­ ­forniman mote.

Selre me wæs and seftre, ­ ­ ­ ­ ­þæt þu sylfa me heane gehnægdest, ­ ­ ­ ­ ­and ic hraðe syþþan þin soðfæst weorc ­ ­ ­ ­ ­wel leornade.

Þas ic me on frofre ­ ­ ­ ­ ­fæste hæbbe on minum eaðmedum ­ ­ ­ ­ ­ungemete swyðe, for ðon me þin spræc ­ ­ ­ ­ ­spedum cwycade.

Gelæd me on stige, ­ ­ ­ ­ ­þær ic stæpe mine on þinum bebodum ­ ­ ­ ­ ­bryce hæbbe, forðan ic hy mid soðe ­ ­ ­ ­ ­symble wolde.

Æ þu me sete, ­ ­ ­ ­ ­ece Dryhten, þæt ic on soðfæste wegas ­ ­ ­ ­ ­symble gange and ic þa secan ­ ­ ­ ­ ­symble mote.

Min sawl aslep, ­ ­ ­ ­ ­þa me sorh begeat for langunga; ­ ­ ­ ­ ­læt me nu þa on þinum wordum ­ ­ ­ ­ ­weorðan trumne.

Hu ic æ þine, ­ ­ ­ ­ ­ece Drihten, lustum lufode; ­ ­ ­ ­ ­ic þæt lange dyde, þæt ic þa on mode ­ ­ ­ ­ ­metegade georne.