Populære bibelvers fra Sealm 103

Del

Bletsige mine sawle ­ ­ ­ ­ ­bealde Dryhten ne wylt þu ofergeottul ­ ­ ­ ­ ­æfre weorðan ealra gōda ­ ­ ­ ­ ­þe he þe ær dyde.

He þinum māndædum ­ ­ ­ ­ ­miltsade eallum and þine adle ­ ­ ­ ­ ­ealle gehælde. He alysde þin lif ­ ­ ­ ­ ­leof of forwyrde, fylde þinne willan ­ ­ ­ ­ ­fægere mid gōde. He þe gesigefæste ­ ­ ­ ­ ­soðre miltse and ðe mildheorte ­ ­ ­ ­ ­mode getrymede; eart þu edneowe ­ ­ ­ ­ ­earne gelicast on geogoðe nu ­ ­ ­ ­ ­gleawe geworden.

Bletsa mine sawle ­ ­ ­ ­ ­bliðe Drihten and eall min inneran ­ ­ ­ ­ ­his þæne ecean naman.

Swa fæder ðenceð ­ ­ ­ ­ ­fægere his bearnum milde weorðan, ­ ­ ­ ­ ­swa us mihtig god, þam þe hine lufiað, ­ ­ ­ ­ ­liðe weorðeð, for ðan he ealle can ­ ­ ­ ­ ­ure þearfe.

Swa þas foldan ­ ­ ­ ­ ­fæðme bewindeð þes eastrodor ­ ­ ­ ­ ­and æfter west, he betweonan þam ­ ­ ­ ­ ­teonan and unriht us fram afyrde ­ ­ ­ ­ ­æghwær symble.

Mildheort þu eart and mihtig, ­ ­ ­ ­ ­mode geþyldig, ece Drihten, ­ ­ ­ ­ ­swa þu a wære; is þin milde mod ­ ­ ­ ­ ­mannum cyðed.

Na þu be gewyrhtum, ­ ­ ­ ­ ­wealdend, urum wommum wyrhtum ­ ­ ­ ­ ­woldest us don, ne æfter urum unryhte ­ ­ ­ ­ ­ahwær gyldan. For ðon þu æfter heahweorce ­ ­ ­ ­ ­heofenes þines mildheortnysse, ­ ­ ­ ­ ­mihtig Drihten, lustum cyðdest, ­ ­ ­ ­ ­þam þe lufedan þe.

On heofenhame ­ ­ ­ ­ ­halig Drihten his heahsetl ­ ­ ­ ­ ­hror timbrade, þanon he eorðricum ­ ­ ­ ­ ­eallum wealdeð.