Populære bibelvers fra मत्ती 5

Del

मीहच़ी लम्पा बि जलाके टोकरिऊ पोयंङ माह केहट्री, ठेपू टोईच़ी केहट्री, दंङ दोऊ दोरच़ी घरबारो भत्ते मीहतंङ छंङी शुहबी। ध्वांए केहतु छंङी मीहतु तुईज़ी च़मकेकी जूंस कि दोच़ी केहतु रूठे कम खांऐ केहतु बाहऊ, अरी स्वर्गंङ तोद, तारीफ लहसी जूंस।

केरे भत्ते संसारो थल्जी छंङीऊ ठ्रोह शुई। अंऊ नगर गोह मुखंङ बसेके तोह दुह ब्याके मरच़ि।

धन्य शुहरे दोरे, अतु सेहम शुद्ध तो, छना कुचे दोच़ी परमेश्वर बि खमोर।

धन्य शुहरे दोरे, अरी धार्मिकताऊ ज़िंदगीऊ हिटी तहच़ातेर। छना कुचे परमेश्वरे दोतु थल्जी पुरे लोहतो।

पर गेह केतंङ साते दिह कुट्रातग कि केन्दु बेरीतंङ साते ला दाह लंहि दंङ केदंङ मांजी लहज़ातु थल्जी प्रार्थना लांई।

“धन्य शुहरे दोरे, अरी परमेश्वरो थल्जी एनोह ज़रुरतो एहसास लहज़ातोर, छना कुचे स्वर्गो राज दोतु शुह।

धन्य शुहरे दोरे, अरी मेल मिलाप लहज़ी लाह्तोर, छना कुचे दोरे परमेश्वरो कटुरे शोअर।

धन्य शुहरे दोरे, अच़ि शोक लाह्तोर, छना कुचे परमेश्वर दोतिंङ शांति रमोतो।

धन्य शुहरे दोरे, अरी सही कम लहज़िमी बजहच़ि खंहच़ातोर, छना कुचे स्वर्गो राज दोतु शोतो।

धन्य शुहरे दोरे, अरी दयावन्त तोतोर, छना कुचे परमेश्वरे दोतु टोईच़ी दया लोहतो।

धन्य शुंई केरे, अपेहल मीहच़ी गिऊ चेला शुहबिमी बजहच़ि केहतु निंदा लोहर, दंङ केरे तंग लोहर, दंङ हप्सी कुचे केहतु थल्जी भत्ते पाहठी मांजी गप्पारे कोर। दोहपल केहरे खुशी मनातुंई ए मगन शुई छना कुचे स्वर्गंङ केहतु थल्जी मोह्ड़े ईनाम तोह। दिऊ थल्जी कि दोच़ी दुह भविष्यवक्तातिंङ अंऊ महसे तुईबेज़ि तोईरे ध्यांए तंग लहज़ातेर।

धन्य शुहरे दोरे, अरी नम्र तोतोर परमेश्वर दोतु दोरच़ी एनोह वाईदा पूरा लोहतो।

केरे दिह संसारो मीहतु थल्जी छ़ाऊ ठ्रोह शुई; पर अगर छ़ाऊ स्वाद अच़ा इलि सईता, दंङ दुह अंऊ चीज़ा रंङ साते छ़कू लहज़ी दंङ दुह छोउला कमो माह शुहबी, सिर्फ दिऊ थल्जी शुहबी कि धह्तेका छङें मीहतु कोन्ज़ो पोयंङ ककट्रीमी थल्जी।

दिऊ थल्जी केतिंङ झांह ठ्रोह मीहरंङ साते दाह लहज़िमी ज़रूरत तोह अरी केतंङ साते दाह माह लहज़ातोर, छना केहतु स्वर्गो बाह परमेश्वर सिद्ध तोह।”

पर केहतु गप्पा हाँ ओ हाँ ना ओ ना शुहबी जूंस छना कुचे छिला दिहबे महस शोतो दुह शेतानो दोरच़ी शुहबी।

केहच़ी दिह थहसी शोंई कि, व्यावस्थाज़ि कुट्रा कि टिरो भुहंदे टीरा छ्वाऊ भुहंदे छ्वा। पर गेह केतंङ कुट्रातग मांजीऊ बदला थाह लेहप्तुंई; पर अच़िआ कांह सुचंङ चरनी रिंङ चट्टेक रमतो दोऊ हखा अईसंङ ला किरज़े चर्तु।

अगर कांह सुचंङ टीरा कनिंङ विशवासो दोरच़ी थलका लेह पापो अमरिंङ रेंज़ा शोतो ता, दंङ दुह टिरो दोरच़ी लहसी मांजी बि लहज़ी ब्याड़ा लेह च़रतु छना कुचे दिह रुठे तोह कि कांह फुको इच्च़ा अंङ योह्सा योतो दंङ कांह भत्ते फुक नरक मेहबोतो। अगर कांह सुचंङ गुहड़ कनिंङ विशवासो दोरच़ी थलका लेह पापो अमरिंङ रेंज़ा शोतो ता, दंङ दुह गुहड़ो दोरच़ी लहसी मांजी बि लहज़ी ब्याड़ा लेह च़रतु, कांह थल्जी दिह ए रूठे शोतो कि काह फुको इच्च़ा अंङ योह्सा योतो दंङ कांह फुक नरकंङ मेहओतो।