Populære bibelvers fra Jialatai 5

Del

Shenlinni jiegoshi, oreku, bayasuku, pinnan, rennai, goude gieku, gou zhughe, kekaoni, renyi, goyane kunzhi gieku wo. Intu shiqinlai guijin gonji dane.

Bi kielieye, ta Shenlinni daghazhi gie, ingiese beyeni nefuxinni ulie giene.

Matan Shenlinni kouizhi udu daose Shenlinni kouizhi giekuni wo.

Mexiha Ersa ni kunla beyeji nefuxin gieku duranne hhantu shizijia jiere ghadawo.

Beye giekulai minminji mejiene, lon kijieku, zannanni, hu gieku, nigiedai beiiku, fashu shuaiku, chou bareiku, zhenjinduku, henjiku, piqi shuaiku, zinie goyane guiku, danlinraku, danpai gholughaku, dubilieku, jiu ochi sudoku, nouiku, pse intu shiqinla wo. Bi eqighanse tande jingao giesan mutun ede pse tande jingao gieye. Enezighan shiqinlani giesan kunla Hudai gojiai jienlie dane.

Gaijiula, tai ziyude uruzhoma, ene ziyuni nefuxin gieku jihui bu gholughadene nieniene oreku zhugheghala ushila.

Beyeni nefuxin Shenlinghala zodui giezho, Shenlinye beyeghala zodui giezho. Ene ghuala nieniene zodui giezhi ta duralasan shiqinni ulie gieghane.

Soyuji guijin man goyadene mutun giebeidene ore giesan ene nie aman kieliende bouizho.

Matan goyane undude bu uzhezhi nieniene bu hokughazhi nieniene bu dubilieye.

Mexiha matanyi ziyude oluzhi matanyi andaghawo. Ingiese ta beizhi undanla. Hojini jiaban tai pse kunzhi bu gie gie.