Populære bibelvers fra Yohanes 17

Del

Den tru sani fu Yu mus meki den kon santa. Yu wortu tru.

Disi na a libi fu têgo, tak' den sma kon sabi Yu, a wan enkri tru Gado, nanga Yesus Kristus di Yu seni kon.

Mi no e begi gi den sma disi wawan, ma Mi e begi tu gi den sma di o teki bribi ini Mi te den sa ferteri den fu Mi. P'pa, meki den alamala de wan, soleki fa Yu de ini Mi, èn Mi de ini Yu. Meki tu tak' den sa de ini Wi, fu grontapu kan bribi taki na Yu seni Mi kon.

Mi no e begi fu Yu puru den na grontapu, ma fu Yu kibri den fu a ogriwan.

Mi ben gi den a grani san Yu ben gi Mi, fu den kan de wan soleki fa Wi de wan. Mi de wan nanga den, èn Yu de wan nanga Mi. Meki den de wan trutru. Dan grontapu sa sabi taki na Yu seni Mi kon, èn tak' Yu lobi den soleki fa Yu lobi Mi.