Populære bibelvers fra Matthieu 24

Del

Mane mabévani mangatsanzabana. Na oma asangamenya étatôa mane mamisôba na mane mabévani. Ayekani asangaba na tsôvé éaNzambé gamamônyôngéô ahngô v’ebandô. Ivô ône angasipa gô Mabégô MaNzambé ngu na v’ekôdéô, angagoobou.

Tsangô Eamôsôba éenyanga éndé n’ami éngeekédu gô tsengeye yetso yava tsina gômbe oma muetso angookô gamatômu me na Nzambé na gô tsina. Vane te vangaba ékôdéô éatsengene.

Nôngookô nzongodi yamabadi mandé gôpégôpé n’anyô, na tsangô yamabadi magôdagôda n’anyô. Nôneena gomo. Mabadime mane mangagenyu. Ivô tsengene ésangakôdéa vane.

Eongo évo éngagenya na évo éongo. Tsenge épo éngagenya na épo tsenge. Ayekani angookô nzaa gôsangabahngô na môyakô. Tsinane éngatatéa gô dipo tsenge disitaté yangô na mbeego. Mabégôme metso mane mangaba te gandé gégôngôta géôkô môgeto gébeenda mbe muanee amahiviga.

Diôba na tsinane éngoota na éngadimbana. Ivô Mabégô Mami te môgunanza.

Oma ahngaviga atsua inami na apata mbe: Me te Christ, namatômu na Nzambé. Ahngabôméda oma ayekani.

Engaba mbe oma angakaba anye omami gôénôtubéda maguga na gôénôyôha. Muetso angavinga anye te gô inami. Gô ndéô nene ayekani amabaka n’ami môtémovo anganôtôga gôndé me na Mabégô Mami. Oma angavingana na angakabana anguene n’anguene. Gôngaba eekédi adiboe angabôméda ayekani.

Vane Jésus amakeneda angô mbe: Nôwema kabaga anya nôbômédu n’ene oma.

T’ebandô anye dôta bakani nômakoamani kuanakue gôévéngéa me, gôébégô me Muana Amôma nangaviga gô ndéône ésangatasanye.

Imbakani géembemba gôébégô nôsamenya nyee ôngaviga Kumu anyô.

Gôsaba môma angoongôa émenya pitsi vo ndéô éngabuéa mabégô mema, ivô te gô mbene n’okendô. Béyé asi g’ôba ayanzi aNzambé asamenya. Na me, Muana ANzambé tsamenya. Te amuene Téta asabômuni.

Gôngaviga eekédi adiboe apata mbe: Me te Christ. Avo dôta angapata mbe: Me te môpandôédi amatasa maNzambé. Angayanza émbégéa na mabégô manyônganéôni masoongôa môma ésupua. Eetso éne te gôebôméda oma, buéyé mbe ti n’ane amasevôu na Nzambé.

Mane mameenanô gô ndéô émabaka Noé, te mangô mangeenanô va génikéô same, Muana Amôma. Menyani mbe gô ndéô nene géningôge madeo gésiviga, oma amaaka na amanyuaka. Ahmabaaka na amabeedaka anaô ngu na nyee ômapeka Noé gô mbôngône. Ahsibaké na môkeda ngu na vamabuéa géningôge gôégudéda ahngô muetso. Engaba te mônongovo gô gévigéô same, Muana Amôma.