Populære bibelvers fra Mʉkpanganɨa 26

Del

Wolo-sɨ ɨkʉmbʉ tɨta ananɨ. Ɨmɨ, na꞊ɓio ta ɨhɔ nɔwɛ, nɔ, na꞊nɔkiokio kiokioni. Dɔ, na꞊nenjo sina ʉwɛ, ɨhɔ tɨa kʉ nɔ ɓanɔnɔ ɓɔsɔɔ, lɨkʉmbʉ liɓomu ngɨlananɨ. Kʉɓanɨ, na꞊kyananakɨa agɔmɛ ngɨa na꞉kɨa jɛnɛ nɔ atɔ Abalaama.

Na꞊chiso sina ɓanɔnɔ ɓʉsɔɔ ngbanga ndʉ ndata akʉʉ ɔ ɓisi. Ne꞊njo sina ɓanɔnɔ ɓʉsɔɔ lɨkʉmbʉ ngɨlɛ kʉ liɓomu. Mababa kɔ dɔdɔ kʉ maɓomu, kɛ꞊nɨanɨa sina nɔ ʉɓʉnga akʉʉ ɔ ɓanɔnɔ ɓʉsɔɔ. Yaɓanɨ dɔ, Abalaama akɛ a꞉nɔka jɛnɛ ɨmɨ, nɔ, ɔ꞉pɛmakɨa agɔmɛ ngɨasɛmɨ, nɔ yaka ngɨyɛ ɨmɨ na꞉gbɛmɨa, nɔ ɨyɛ, na꞉ɨyaa, nɔ mapanʉ ngʉkɔsɛmɨ kʉtaa.»

Ndʉ ya꞉gbalɨa, Isaka ɔ꞉hoko ananɨ, ɔ꞉sa akɔnʉmba ɨkɔ ngayɔmɔ, ɨyɛ, yɔ꞉kɔkwɔ tii ɓata ɨpʉmbʉ. Kʉdɔ, ɔ꞉tɔɨsʉa ino ɓɔ: «Ʉmʉa wɔta bamu». Ga ɨyɔ aka ɓɔ: «Ɨtakɨtakɨ ngɨyɛ, MAKWƆƁƗƗ ɔ꞉tinjo ihoi tɨa injoni, nɔ tɛa ngɨyeso yɨsɨnganaka tɨa iɗo.»

MAKWƆƁƗƗ ɔ꞉mʉchwɛanɨa Isaka, nɔ ɔ꞉musigio ɓɔ: «Watɨsamʉ anɔ Misili, yakamɛngana, sa ta aɨkʉmbʉ ngɨyɛ na꞉napanaka.

Tɨa inani, Isaka ɔ꞉tɔtuɓoko gbɔ́gbɔ ɔ mutebii akɔbibiso Asɔɓɨɨ. Ɔ꞉mɨta Asɔɓɨɨ akɔ ino yɔ MAKWƆƁƗƗ. Ɛ꞉maiso lɨhɛma ngɨlangɔ, nɔ, ɔ꞉mbiso kʉ nɔ ɨkɔ ngayɛmɔ, inani anɔ Bɛlɨ-Sɛba.