Populære bibelvers fra DANIELA 2

Del

«Mangsoo gi phajhi" bo lho: yoem: so' thain: da:. Nyang: ri apyaid atoo: moo coung" byid: we'. Nyang: gi ayo, akhyeing: yo' yo, boin: ri zei: ci: da:. Nyang: gi khokham yiri tu: to' lho: phyo' pyam da:. Phajhi" juyhi: yo' lasi phajhi" byid: su: nyang: nghoid da:. Nyang: gi dang: kang: no, lho: nyhoem" shoung: to" da" moo" zoo" joem ri di: di: za: pang shug da:. Nyang: gi moug: coid khoug: moo ci: shoung: to" ziri nyang: se'. Houg: lho: nyang: nyang: rigi bidbang yo' lheing khoem ci: da:.

Daniela gi «Aseing khokham we"- hau: ziri join: zei: bang:- maindain si' bang:- boid phyed bang: yo' kyi: yu" bang: nang ri yo" tid kyoo" su: anyid› Nghoid loug we' yau: da" mau" pho" khyoo: joem ri yo" pang shug su: mougkhung: mo Mangsoo dayug koem' nyid da:. Nyang: gi ju" loo wa da" ayo, moo bui" wa ziri aseing: khokham nang ri ci: shug byid: abye:. Nang yhoeb jo, uri mo, da" yhoebmo, yhoeb myang ri akhid" ngoo nang ri tid kyoo" ba.

Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.