Populære bibelvers fra MATTHAI 2

Del

Inn sungah an vung lut ih naute cu a nu Mari thawn an vung hmuh tikah khukbil in an biak. An laksawng kenmi sui, frankincense rimhmui le mura zihmui an suah ih an pek.

Jesuh cu Herod in Judea ram ah siangpahrang a ṭuan laiah, Judea ram Bethlehem khua ah a suak. A rei hlanah nisuahnak lam ihsin arsi zohthiam pawl Jerusalem khawpi ah an ra ih, “Judah mi pawl ih Siangpahrang dingah a suakmi naute khuiah so a um? Nisuahnak lamah a arsi kan hmu ih amah biak dingah kan ra a si,” tiah an ti.

Herod ih sim vek cun an feh ih nisuahnak lamih an hmuhmi arsi cu an hmu sal. Cuih arsi an hmuh sal tikah an lung a awi ngaingai. An hmaiah a feh vivo ih naute umnak tlunah cun a cawl.

Cule mifim pawl cu Pathian in an mang ah Herod hnenih kir sal nawn lo dingin a sim ruangah lamzin dangin an ram ah an tlung. Nisuah lam mifim pawl an feh hnuah Bawipa ih vancungmi pakhat cu Josef ih mangah a lang ih, “Hi naute hi Herod in thah dingah a hawl ding. Curuangah tho awla naute le a nu thawn Izipt ramah tlan uh. Kir sal ding i ka lo sim hlan lo cutawkah nan um pei,” tiah a ti.