Populære bibelvers fra DANIEL 3

Del

Cutikah Shadrak, Meshak le Abednego cun, “Maw siangpahrang bawipa, hi thu ahcun kanmah le kanmah ṭan-awk ṭul in kan ruat lo. Meisa alh sungin in hum theitu Pathian a um a si ahcun kan biakmi le kan rianmi kan Pathian lawnglawng a si ih amah cun na cahnak huham sung khal in in hum ko ding. In hum lo a va si hmanah, siangpahrang bawipa, na khawzing pawl cu kan bia lo ding ih na sui milem tuahmi hmai khalah kan kun lo ding, ti cu in theihsak cia aw,” tiah an ti.

Siangpahrang bawipa cun, “Ziangtin so meisa sungah mi pali an feh rero ka hmuh hi!” tiah a sut. “An kutke khal ṭemmi an si lo ih a na an tuarnak zianghman a lang fawn lo; cule a palinak tla cu khawzing pawl ih fapa a bang!” tiah a ti.

Cutikah siangpahrang in, “Shadrak, Meshak le Abednego ih Pathian cu thangṭhat si ko seh! Amah a riantu le a rinsantu pawl runsuak dingah a vancungmi a run thlah a si. An biakmi an Pathian siar lo khawzing dang biak le a hmai ih kun hnak cun ka thupekmi an el ih an nunnak tiangin an pe ngam sawn a si.

“Curuangah atu in thu ka lo pe a si: Zovek phun le zovek hnam an si hmanah, ziangbangtuk ṭong a hmangtu an si hmanah Shadrak, Meshak le Abednego ih Pathian upat lonak thawn a ṭongtu an um a si ahcun anmah cu an kut le an ke bauhthlek ṭheh an si pei ih an inn cu hnawmpen ih canter ṭheh an si pei. Hi bangtuk ih mi run theitu khawzing dang khui hmanah a um lo,” tiah a ti.