Populære bibelvers fra मत्‍ति 5

Del

कालाउ हासु बुङ गेसा जोलाइतेङ पाथिहोइ माथुम्‍खे। कालाउबुङ चेरादानिता ताअ्‌खे रो सिता हिका झाराङको भाअ्‌सिङ इङको फाइसालाम पिखे। एन्‍सा दोङ गेसाको फाइसालाम्‍का भाइपाङ नेलाइको फाइसालाम्‍का बुङ द्‌याङगेलाइको आगाता चिल्‍काको रो एम्‍बालाइ नेलाइको रेम्‍का काम तिनाको, कालाउ स्‍वरगता हिका नेलाइको आबाहेङ बाखिनाको।

“नेलाइ सुमिङको फाइसालाम्‍का हिसुन्‍हा। आरदाङता योम्‍पाका पुर माम्‍होनावा

सुदो मन हिकालाइ सहसाम्‍पा निङकालाइ जेनावा, हाइदोनु एम्‍बालाइ परमेस्‍वरहेङ तिनावा।

धरमकाम पालि इछा पाकालाइ सहसाम्‍पा निङकालाइ ज्‍यावा, हाइदोनु एम्‍बालाइको इछा पोङघावा।

कालाउबुङ का नेलाइहेङ दोअ्‌खा, ताइको दुस्‍मनहेङ माया पासु रो नेलाइहेङ सान्‍ताइकालाइको भाअ्‌सिङ पारथाना पासु।

“परमेस्‍वरको आगाता ताइमिहेङ हाइदोङ माको दोअ्‌तेङ फोमपाकालाइ सहसाम्‍पा निङकालाइ ज्‍याङ, हाइदोनु स्‍वरगको सारभि एम्‍बालाइको ज्‍यावा।

मिलाप पापिकालाइ सहसाम्‍पा निङकालाइ ज्‍यावा, हाइदोनु एम्‍बालाइ परमेस्‍वरको चानचामिन्‍दिगेलाइ दोअ्‌न्‍हावा।

सुरता पाकालाइ सहसाम्‍पा निङकालाइ ज्‍यावा, हाइदोनु एम्‍बालाइ सान्‍ति निनावा।

धरमकाम पानाङसिङ सान्‍ताइन्‍हाकालाइ सहसाम्‍पा निङकालाइ ज्‍यावा, हाइदोनु स्‍वरगको सारभि एम्‍बालाइको ज्‍यावा।

दायाकालाइ सहसाम्‍पा निङकालाइ ज्‍याङ, हाइदोनु एम्‍बालाइ दाया निनावा।

“सहसाम्‍पा निङका नेलाइ, जेलाउ द्‌याङगेलाइ काङको भाअ्‌सिङ नेलाइहेङ निन्‍दा पावा, सान्‍तायावा रो ढाटाइतेङ नेलाइको खिलापता गोताङ खालको मारेम्‍का काथा दोअ्‌तावा। कालाउ हेन्‍जा लेङचासु, हाइदोनु स्‍वरगता नेलाइको इनाम बारका ज्‍यावा। हाइदोनु एसादोङ नेलाइखान्‍तेङ लाम्‍फासोङ परमेस्‍वर पाहासो धुइकालाइहेङ बुङ सान्‍ताइका हिघाखे।

नोइकालाइ सहसाम्‍पा निङकालाइ ज्‍यावा, हाइदोनु सुमिङता हिका गोताङ चिज एम्‍बालाइकोङ ज्‍यावा।

“नेलाइ सुमिङको देसे हिसुन्‍हा, कालाउबुङ देसेको ताइका हानिनु इङको हाइहोइ आरोङ ताइका बान्‍हाइलि कुनु? इङकोते बाहार थालन्‍हाका रो खोकोइहोइ याङन्‍हाका खान्‍तेङ बो हाइदोङ कामको माज्‍यावा।

इदोइभाअ्‌सिङ स्‍वरगता हिका नेलाइको परमेस्‍वर आबा गोताङ काथाता रेम्‍का हिकाभाइपाङ नेलाइ बुङ गोताङ काथाता रेम्‍का जेङसु।”

भुरुङ केरा माचासिङ नेलाइको दोअ्‌का काथाचाहिँ ‘एइ’ नु ‘एइ’, ‘माको’ नु ‘माको’ खिनिङ ज्‍याको। इदोइखान्‍तेङ हेन्‍जाचाहिँ साइतानसो लोखे।

“नेलाइ इस्‍का दोअ्‌का हिङका हिसुन्‍हा, ‘मिँको बादला मिँ रो तासिङको बादला तासिङ।’ कालाउबुङ का नेलाइहेङ दोअ्‌खा, दुरजनदोफा धुम मापासु। जाइ नाङको दाम्‍पाहा गाल्‍भुङता चाउर्‍हियावा, इङकोहेङ भेनेङ गाल्‍भुङ बुङ धोपिसु।

नाङको दाम्‍पाहाको मिँ नासेहेङ पाप पालि लागाइलि भोखे पानु इङकोहेङ ओल्‍हिपातेङ थालगिल, हाइदोनु नाङको गोताङ जिउ नरकता थालन्‍हाकाखान्‍तेङ भुरुङ नाङको जिउको भाकगेलाइता एलोङ लाअ्‌लि नाङको भाअ्‌सिङ रेम्‍का ज्‍यावा। एन्‍सा दोङ नाङको दाम्‍पाहा खुर नासेहेङ पाप पालि लागाइलि भोनु इङकोहेङ चेतेङ थालगिल। हाइदोनु नाङको गोताङ जिउ नरकता दुल्‍काखान्‍तेङ भुरुङ नाङको जिउको भागगेलाइता एलोङ लाअ्‌लि नाङको भाअ्‌सिङ रेम्‍का ज्‍यावा।