Populære bibelvers fra မဿဲ 26

Del

ဖြားယောင်း​သွေးဆောင်ခြင်း​ထဲသို့ လိုက်ပါမသွား​စေရန် သတိ​နှင့် စောင့်နေ​လျက် ဆုတောင်းကြလော့။ စိတ်ဝိညာဉ်​သည် ဆန္ဒရှိ​သော်လည်း ကိုယ်ခန္ဓာ​မှာမူ အားနည်း၏” ဟု မိန့်တော်မူ၏။

တပည့်တော်တို့​အား “ငါ​၏​စိတ်ဝိညာဉ်​သည် သေလုမတတ်​ဝမ်းနည်း​လျက်​ရှိ၏။ ဤ​နေရာ​တွင် နေ​၍ ငါ​နှင့်အတူ သတိ​နှင့် စောင့်နေကြလော့” ဟု မိန့်တော်မူ၏။

ထို့နောက် ယေရှု​သည် ရှေ့​သို့ အနည်းငယ် သွား​၍ မြေ​ပေါ်​တွင် ပျပ်ဝပ်တော်မူ​ပြီးလျှင် “အကျွန်ုပ်​၏​အဖ… ဖြစ်နိုင်​လျှင် ဤ​ခွက်​ကို အကျွန်ုပ်​ထံမှ ဖယ်ရှားပေးတော်မူပါ။ သို့သော်လည်း အကျွန်ုပ်​၏ အလိုဆန္ဒ​အရ​မဟုတ်ဘဲ ကိုယ်တော်​၏ အလိုတော်​အတိုင်းသာ ဖြစ်စေတော်မူပါ” ဟု ဆုတောင်းတော်မူ၏။

ဤ​စပျစ်ရည်​သည် လူများစွာတို့​၏ အပြစ်များ​ကို ဖြေလွှတ်​ရန်​အတွက် သွန်းလောင်းသော ငါ​၏​သွေး​ကို ပုံဆောင်၏။ ငါ​၏​သွေး​သည် ဘုရားသခင်​နှင့် လူများ​အကြား​ဖွဲ့သော ပဋိညာဉ်​သစ်​ကို သက်သေပြု၏။

ထို့နောက် သူတို့​စား​နေကြ​စဉ် ယေရှု​သည် မုန့်​ကို​ယူ​၍ ဘုရားသခင်​၏ ကျေးဇူးတော်​ကို ချီးမွမ်းတော်မူ၏။ မုန့်​ကို​ဖဲ့​၍ တပည့်တော်တို့​အား ပေးတော်မူ​လျက် “ယူ​၍ စားကြလော့။ ဤ​မုန့်​သည် ငါ​၏​ကိုယ်ခန္ဓာ​ဖြစ်၏” ဟု မိန့်တော်မူ၏။

စပျစ်ရည်ခွက်​ကိုလည်း ယူ​၍ ကျေးဇူးတော်​ကို ချီးမွမ်းပြီး တပည့်တော်တို့​အား ပေးတော်မူ၏။ ယေရှု​က “သင်တို့​အားလုံး သောက်ကြလော့။

ထို့နောက် ယေရှု​သည် တပည့်တော်တို့​ထံသို့ ပြန်​ကြွ​သောအခါ သူတို့​သည် အိပ်ပျော်​နေကြသည်​ကို တွေ့တော်မူ​သဖြင့် ပေတရု​အား “သင်တို့​သည် တစ်နာရီ​မျှပင် သတိ​နှင့် မစောင့်နိုင်ကြသလော။

သင်တို့​အား ငါ​ပြောဆိုသည်​မှာ ငါ့​ခမည်းတော်​၏ နိုင်ငံတော်​၌ သင်တို့​နှင့်အတူ စပျစ်ရည်​အသစ်​ကို ထပ်မံ​သောက်ရမည့်​နေ့ မတိုင်မီ​အထိ စပျစ်ရည်​ကို နောက်တစ်ဖန် ငါ​မသောက်” ဟု မိန့်တော်မူ၏။

ထိုအခါ ပေတရု​သည် “ကြက်မတွန်​မီ သင်​သည် ငါ့​ကို သုံးကြိမ်​တိုင်တိုင် ငြင်းဆို​လိမ့်မည်” ဟူသော ယေရှု​မိန့်တော်မူခဲ့သည့် စကား​ကို သတိရ​သဖြင့် အပြင်​သို့ ထွက်​၍ ရှိုက်ကြီးတငင်​ငိုကြွေးလေ၏။

ထကြ၊ သွားကြစို့။ ငါ့​ကို သစ္စာဖောက်​၍​အပ်မည့်​သူ ရောက်နေပြီ” ဟု မိန့်တော်မူ၏။

ထိုအခါ ယေရှု​က ထို​သူ​အား “သင့်​ဓား​ကို ဓားအိမ်​၌ ပြန်သိမ်းလော့။ ဓားကိုင်သော​သူတို့​သည် ဓား​ဖြင့် အသက်ဆုံးရှုံးရ​လိမ့်မည်။