Populære bibelvers fra मत्‍ती 19

Del

ईसू नें बिनकी ओर देखकें कही, “जि आदमी ते तौ नांय है सकत। पर परमेस्‍वर सब कछू कर सकतै।”

पर बे अब दो नांय पर एकई सरीरे। जामारै जाकूं परमेस्‍वर नें जोड़ोऐ बाय कोई आदमी अलग नांय करै।”

ईसू नें बिनते कही, “का तुमने जि नांय पढ़ी? संसार कूं बनाबे बारे नें बिनें सुरू ते नर और नारी करके बनायौ है। और कही, ‘कै जा बजैह ते आदमी अपने माँ-बाप ते अलग रैहके अपनी पत्नी के संग रैहबेगौ और बे दोनों एकई तन हुंगे।’

तब ईसू नें चेलान ते कही, “कै बालकन कूं मत रोकौ बिन्‍नें मेरे जोरै आन देओ। चौंकि सुरग कौ राज इनके जैसे लोगन कौई है।”

पर भौत से जो पैहले हैं बे पिछले है जांगे। और भौत ते जो पिछले हैं बे पैहले है जांगे।

और जा काऊनें अगर घर,भईया, बहन, माँ-बाप और बालक बच्‍चे और खेत कूं मेरे नाम ते छोड़ दयोए बाय वाकौ सौ गुनों मिलैगौ। और बू कबऊ नांय खतम हैबे बारे जीबन कौ अधिकारी होगौ।

ईसू ने बाते कही, “अगर तू अपनी कमी कूं दूर करबौ चांहतै तौ जा तू अपनी सबरी धन-दौलत कूं बेचकै गरीब लोगन में बांट दै और सुरग में तेरे काजै आतमिक धन-दौलत होगी। तब तू आयकै मेरे पीछे चल।”

ईसू नें बाते कही, “का अच्‍छौ है जाके बारे में तू मोय चौं पूछतै? केवल परमेस्‍वरई है जो अच्‍छौ है। अगर तू कबऊ नांय खतम हैबे बारे जीबन में पिरबेस करबौ चाहबै, तौ वाकी आग्‍यान कौ पालन कर।”

पर मैं तुमते जेऊ कैह रयौऊं कै ऊँट सूंई के छेद में ते नांय निकर सकत, बैसेई धनबान आदमी कौ परमेस्‍वर के राज्‍य में जावे भौत कठिन है।”

और मैं तुमते कैहतूं, कै अगर कोई औरत कुकर्मी नांय, जाके बादऊ वाकौ पती बाय छोड़तै और बू दूसरी ते ब्याह करतै तौ बू कुकर्म करतै।”

तब ईसू ने अपने चेलान ते कही, “मैं तुम लोगन ते सच कैहतूं कै, धनी आदमी कै काजै सुरग के राज में पिरबेस करबौ कठिन है।