Populære bibelvers fra Maraka 5

Del

Niŋ na, Yesu tu nmari tɛ : « Ńʼdanmari, mɔɔn bilinabi ki nʼmwu-i, kene, Kirinŋ de nʼshɔɔrinŋ wu. »

Mari bɛɛ wuru konaŋ ki ru nmaŋ, juwu kɔbali kira bo wuru nmari sun. Niŋ kira ki jiri bwununfuuli kila wuru nmari ra kɔ. Nmari yɛlinŋ mwɔɔnna tan wuru janmatɔnŋ kiri gbɛfɛ, nmari i a gbɛfɛ jalinŋ ki bataa kɔ nini tɛ, nka ǹʼtɔri tenŋ so ǹʼbɛɛ san-i nmari wɔ kira ki ra kì, a ǹʼkɛɛ ji-i kì.

Nmari so-i a gbɛ pa-i Yesu sunjuulinŋ ki ra mani wɔ̀ ru, mìŋ manaanŋ tenŋ ki ru, juwu ki i tu, mari ki i ǹʼtɔ a firi ki ra tu afinŋ kene.

Ntiŋ i maannaannaanŋ ki pa a gbɛ sun, ntiŋ i ǹʼbi ǹʼtɛ arɔɔ wulu ki ru tu : « Talita, kumu! » Niŋ kɔri ki i ji tu : Maannaannaanŋ, míŋ i bi-a miŋ tɛ, jɔrɔkɔ!

Ŋì i Yesu tu niŋ wulu ki bi-a, kpeeri i po Yayirɔsi wɔ mani ki ru, kí i na ǹʼbi ntiŋ tɛ : « Miŋ danmari ki beeni-i kɔ, miŋ faa kalimɔɔ ki yɛli-la nfɛnŋ na? » Yesu i niŋ bimaan ki rama, nka ntiŋ a tɔɔncu ǹʼfɛ kì, ntiŋ i ǹʼbi Yayirɔsi tɛ : « Fa kɛni kì, bilinabi ki bantenŋ ma. »

Shuru ki wuru niŋ bi-a, sabu Yesu wuru ǹʼbi-a tu ɲinijɛ ki po san wú ru. Yesu i nanɔri tan tu : « Miŋ tɔ ki dɔɔkunŋ? » Wú tu : « Míŋ tɔ ki i tu : ‹ Kwurusinaŋ ›, sabu yibɛɛ mwɔ-i. »