Populære bibelvers fra AkwaRoma 6

Del

Inene muyambo o thsivi po kufa, unone thsipa thso kengekenge thso thsihemo thsa Nyambi po mwoyo o diyere mwa Krisitu Yesu Fumu wetu.

Thsivi ka thsi di honi nokoro pa penu, inene ka mu di mushi thzo murao, unone mushi thzo thsihemo thsa Nyambi mu di.

Mweyo, ou twa korovethziwire, twa fire no ku vumbekiwa nenthzi ci nga dyodi a pinduriwire Krisitu kwafu ko kutethzima kwa Nyambi Tata, natwe twa ku yoye mwoyo oupe.

Karo mwa pa thsivi epo yerama yenu ci i kwamithsiwe mu makuñwa oamango. Unone mu cipake kwa Nyambi eci anu awa na tundithsiwa mu kufa no ku retiwa mu mwoyo. Karo mu pe epo yerama yenu ku kwenthzi ci a i cikwathsithse mu mwenu ku tenda enu yowawa.

Tu na dimuka ci onu wetu o kare mwirama yetu wa pamareriwire na Krisitu pa mbinda, ci okoro o thsivi wekara peuru thzo myoyo thzetu, ci nga twekara karo apika ku thsivi.

Mweyo, namwe kengeyo mwaa roera ku civara ci na mu fu ku thsivi no ku yoya kwa Nyambi mwa Krisitu Yesu.

Uno honi ine tu amba? Ene tu twarerere ku tenda thsivi ci thsihemo thsa Nyambi thsi monahare kongi? Dyombo, kadi kengeyo! Ngepi edi nga tu twarerera ku yoya mu thsivi atwe na tu fu ku thsivi?

Ene ka mu dimukire ci munu aekara mupika kweyi a na shupwera nji? Mwaa twethsa kwikara apika thsivi athso thso ku twara ku kufa, nji ku cihangwera ku yuvera Nyambi ayo yo ku twara kuwawa.

Uno honi tu kanderere kwa Nyambi, inene amwe mwekarire apika thsivi, pano honi na mu tawa ko micima thzenu thzothzihe erongithsa eyi na mu piwa. Na mu paturiwa honi ku thsivi karo na mu pikuriwa kuwawa.