Populære bibelvers fra Johani 15

Del

“Yame no thsitondo thso veine, amwe yamwe mwa mite. Yomuhe o kwikara mu mwange name mu mwenthzi, oyo yodiyo o kwima ima yoingi, inene ko kupira ame tumba mu twethsa ku tenda thsimweya.

Mwikarerere mu mwange eci edi ni di mu mwenu. Dyodi u na kananga kwima mute o veine pa pao ofoci shime ci wikare ku thsitondo thsao, namwe tumba mu twethsa kwima shime ci mwikarerere mu mwange.

Ngeci amwepo mwikarerera mu mwange no maywi ange aopo ekarerera mu mwenu, mu rombe yoihe eyi mu na foto, karo kenge mwa ku i tenderiwa.

Kadi yamwe na mu ni hangura, unone yame na ni mi hangura. Karo na ni mi hangura ci mu thze mu keme ima eyi ya kwikarerera, ci yoihe eyi mwa ku romba kwa Tata mu dithzina dyange a ku i mi pe.

Kwithsa thsishimo thsothsikuru kupita ethsi: munu ku pa mwoyo wenthzi mukaci kambushenthzi.

Mute ouhe ku kwange o kukana kwima aa u tetako, karo mute ouhe o kwima ima aa u poywera ci wime ima yoingi.

Thsiraerera thsange po ethsi: Mu cishime oandu eci edi na ni mi shimi.

Kutethzima kwa Tata kwaa monahara ngeci amwepo mwima ima yoingi, karo pa ku tenda kengeyo mwaa monithsa ci mwerongwa yange.

“Yame no thsitondo shemwa thso veine, karo Tata yodiyo njimi.

O kukana kwikara mu mwange aa konthziwa eci mute no ku kukuta. Mite thzo kengeyo thza ongeriwa no ku konthzeriwa mu mudiro no ku pya.

“Ni na mi ambera eyi enu ci thsinyanyu thsange thsikare mu mwenu, karo ci thsinyanyu thsenu thsikare thso kukwana.

Ngeci amwepo mu hengeka eraerera yange, kenge mwa kwikarerera mu thsishimo thsange, eci dyodi na ni hengeka eraerera ya Tata no kwikarerera mu thsishimo thsenthzi.

Eyi yodiyo ni na mi raerera, ci mu cishime oandu.

Nga mwakwa kaye, kaye nga kaa mi shima eci anuako. Uno honi pakuninga ci kadi mwakwa kaye, unone na ni mi hangura ku mi tundithsa ku kaye, eyo ngeyi ka mi thzimbera kaye.