Populære bibelvers fra 2 AkwaTesalonika 2

Del

Mwa tawa munu ku miangera ko dikuñwa dipi nji dipi, inene edyo diyuwa o ku di shime ku keya, anu owangi kenge a ku pirukera Nyambi tango. Karo Shiremeka murao wa Nyambi kenge a ku hokoriwa, oyu na roera ku nongithsiwa.

Twaa roera ku kanderera kwa Nyambi thsikati thsothsihe mukaci kenu, andengenu, amwe mu na shimiwa kwa Fumu, inene Nyambi wa mi hangurire ci mwikare mutomwa mu ku yoyithsiwa, ko kukenithsiwa ko Mupepo Oukenu ko ku tawa oshemwa.

Kenge a ku cithzineka no ku rwithsa yoihe eyi a rombera anu neyi a na remeka yoihe mu dithzina dya Nyambi. Mweyo, kenge a kwingena mu Tembere thza Nyambi no kwikara, no ku cithsa ci yodiyo Nyambi.

Uno honi, aye shemwa Fumu wetu Yesu Krisitu, na Nyambi Tata wetu oyu wa tu shimine no ku tu pa ko thsihemo thsenthzi kutanarithsiwa ko diyere nokurupero ouwa, a mi tanarithse micima no ku mi pa okoro o ku tenda yoiwa yoihe ketenda no maywi.

Mweyo, Nyambi kenge a ku wa tumena kwangera kokukoro ci nga a tawe yo mbango

Kukeya koyu Munu Shiremeka murao kenge kwa ku keya kokoro wa Satana. Kenge a ku tenda emonithso yo mishovoshovo nekomokithsa yo mbango. Karo kenge a ku cikwathsithsa mishovo thzothzihe thzomango kwangera awa a ku cithzira. Kenge a ku cithzira pa kukana ku shima no ku tambura oshemwa ci nga a ku yoyithsiwe.

Okoro o diano dyo ku shwahura murao wa Nyambi u di no ku kwama pano tu di. Oyu na u ñaña kenge a ku twarerera ku tenda kengeyo shime ou a ku tunda mu dikuñwa.