Populære bibelvers fra Svun Marcos 2

Del

Ti Jesuse iya'i ti c'usi iyalique, ja' yech iyalbe chac li'i: ―Ti much'utic lequique, mu c'u stu yu'unic jpoxtavanej; ja' no'ox ti much'utic ipique. Li vo'one ma'uc tal quic' ti much'utic ch'abal smulique. Ja' tal quic' ti much'utic oy smulique ―x'utatic yu'un ti Jesuse.

Ti c'alal iyil ti Jesuse ti xch'unojic ti oy syu'ele, xi iyalbe li much'u ipe: ―Jch'amal, ac'bilot xa pertonal yu'un lamule ―xut.

Iyal noxtoc ti Jesuse: ―Li sc'ac'alil ta jcuxtique iyich' aq'uel ta scuenta slequilal li crixchanoe, pero ma'uc scuenta tspas ta mantal crixchano li c'ac'ale.

Ta scoj ti ep tajmec li crixchanoetique muc' sta ochel sbeic yo' bu ti Jesuse, solel imuyic ta bana, ixch'ojic jset' yo' bu stuq'uil ti Jesuse, isyalesic xchi'uc spop li jchamele.

Vo'on ti Xch'amal crixchano li c'ote chcac' avilic ti vo'on tsots quich'oj cabtel li' ta sba balamile ti xu' ch-cac' pertonale, ―x'utatic. Yech'o un ja' yech iyalbe li much'u alubem yoc sc'obe: ―Vo'on chacalbe, lican, tamo ech'el lapope, batan ta ana ―x'utat yu'un Jesús ti vinique.

¿C'usi ti más c'un ta albel li vinic ch'abal yip yoc sc'obe: “Mi ja' ti ac'bilot xa pertonal yu'un lamule”, o mi ja' ti “lican tamo ech'el la pope xanavan ti ch-cutique”?

Ora ilic li jchamele, istam li spope, ta bail ta satil iloc' ech'el teyo'e. Ti x'elan ic'ot ta pasele xch'ayet xa o yo'onic scotolic xchi'uc iyich'ic o ta muc' ti Rioxe, ja' yech iyalic chac li'i: ―Muc' bu xquiltic o yech xc'ot ta pasel ti x'elan ispase ―xiic.