Populære bibelvers fra Svun Juan 17

Del

Lecubtaso ta scuenta li c'usi melele; yu'un li ac'ope ja' melel.

Ti chcuxiic ta sbatel osile, ja' ti chayojtiquinic ti atuc no'ox Rioxot ta melele, xchi'uc ti chojtiquinic li Jesucristo ti vo'ot atacoj tale.

»Ma'uc no'ox chajc'anbe vocol ta stojolic li'i, chajc'anbe vocol noxtoc ta scuentaic ti much'utic ta to xi xch'unic mi iya'iic li ac'op ti chalic ech'ele. Cha jc'anbe vocol ti co'oluc me sjolic scotolique, Tot yechicuc me chac c'u cha'al co'ol joltic li vo'otique, xchi'uc ti co'olajuc joltic jchi'uctique, yo' xch'unic o scotol crixchanoetic ti vo'ot atacon tale.

Ma'uc chajc'anbe ti ac'u avic' loq'uel li ta balamile; ja' no'ox chajc'anbe ti ac'u aq'uel achabie, yo' mu spaseic o ta c'anal yu'un li c'usitic chopole.

Icac'be xa slequil yo'onic chac c'u cha'al lec co'on avu'une, yo' jun xa ac'u c'oticuc chac c'u cha'al junotic li vo'otique. Li vo'one ta xco'olaj jol xchi'uquic, li vo'otique co'ol joltic, ja' no'ox yech ta xco'olaj sjolic uc yo' xilic o scotol crixchanoetic ti vo'ot atacon tale, xchi'uc ti ac'anoj scotolique, chac c'u cha'al ac'anojone.