Populære bibelvers fra མ་ཏི། 19

Del

ཡི་ཤུ་གི་ རོག་ཏེ་བ་ཀ་གཟིགས་ཐཱན་ གསུངས་མ་ལ་ ཨུ་ཐུ་ཤོ་ སོ་ངོ་གི་ ཨ་ལེ་མར་བ། དག་པ་ཀབ་ཉི་ དཀོན་མཆོག་གི་ མཛད་པེ་མར་ཁཱན་ ཧང་རང་མཱན་ཅ་དག༌ཉི།

ཨོ་ཐེན་ཨ་ཉི་ རོག་ཉིག་ཙིང་ཤོ་ ཉིག་ཙིང་མང་གི་ཝ་ ཐུར་རིན༌ཅ། ཨོ་ཉི་ཨ་དེན་གེ་ དཀོན་མཆོག་གི་ ཏབ་ཐུར་ཛོམ་ཁཱན་ཁེ་པ་ སོ་ངོ་གི་ བེརེ་བེ་མ་ཆོག་པ་དག༌ཉི།

ཡི་ཤུ་གི་ རོག་ཏེ་བ་ཀ་ལན་གནང་ཉི་ ཧང་བཀོད་ཁཱན་གི་ གོ་དང་པ་བཀོད་པེ་གང་ཀ་ ཕེ་ཝག་ཙ་ མེ་ཝག་ཙ་ཨ་ཉི་ བཀོད་པ་ག་ཀོར་གེ་ ན་ཤི་གསུང་རབ་ མ་ལྷག་ཅི་སྨོ་དག་ཉི་ གསུངས་མ༌ལ། དཀོན་མཆོག་གི་ གསུངས་མ་ཅ་ ཨོ་ཉི་ཨ་དེན་གེ་ ཕེ་ཝག་ཙ་གི་ རོ་ཀ་ཨ་པ་དང་ ཨ་མ་ཐུབ་ཐཱན་ཐཱན་ རོ་ཀ་མེ་ཝག་ཙ་ཀབ་ཉི་ཆོ༌ལེ། ཉི་རོག་ཉིག་ཙིང་ཤོ་ ཐུར་རིན༌ཅ།

དག་པ་ཀབ་ཉི་ ཡི་ཤུ་གི་གསུངས་མ་ལ་ ཝག་ཙ་བ་ ཇང་ཆོ་ས་ག་ ཨོ་ཕེ་བི། རོག་ཏེ་བ་ ཁག་པེ་མ་ཁེ༌ལ། ཧང་ཡ་དག་ནེ་ལ་ ཞིང་ཁམས་ག་རྒྱལ་སྲིད་ཤོ་ རོག་ཏེ་བ་ད་བུ་ཆོ་ཁཱན་བ་ཀ་གི་ལ་དག༌ཉི།

དག་པ་ཀབ་ཉི་ གོ་མ་ཆོ་ཁཱན་མང་པུ་ཐུར་ ཇུ་ཀ་ལུས༌པེ། ཉི་ཇུ་ཀ་ཆོ་ཁཱན་མང་པུ་ཐུར་ གོ་མ་ཤེག༌པེ༎

ཉི་ཨི་བི་གི་ ཇ་ག་མིང་ག་ཡོར་ཀེ་ རང་ཏེན་ག་ཕའི་དང་ཡུང་ཟི་བ་ ཕ་མ་དང་ཝག་ཙ་བ་ ཉི་ས་གཞི་ཨོ་ཉ་བ་ ཐུབ་ཐ་ཝ་ཅ་གི་ལ་སྨོ་ ཨོ་ཉ་སོ་ངོ་གི་ ཨོ་ཉ་གེ་ 100 ཐེབ་ཉོང༌པེ། ཉི་ཚེ་མ་འགྱུར་བརྟན་པ་བུ་ཉོང༌པེ།

ཡི་ཤུ་གི་ རོ་ཀ་གསུངས་མ་ལ་ ནཱན་ནཱན་ཏེན་རང་ ཅོན་ད་སུར་རང་ མ་ཝ་རི་ལེ་གི་ལ་དག་ནེ་ལ་ དིན་ཐཱན་ ན་ག་ཆོ་ཁཱན་ ཐམས་ཅན་རང་ ཙོང་ཐཱན་ དུག་པུ་བ་ཀ་སྦྱིན་པ་ཕི། ཉི་ན་ག་རྒྱུ་ ཞིང་ཁམས་ག་སག༌པེ། ཉི་ཤ་ ནཱན་ལོག་ཐཱན་ ཇ་ག་ཚིང་ཚིང་ཨོ་དོ་དག༌ཉི།

ཉི་རོ་ཀི་ རོ་ཀ་གསུངས་མ་ལ་ ནཱན་གི་ ཇ་ག་ལེག་པུ་ ཧང་གི་ལ་སྨོ་ ཧང་ཨ་ཉི་ཇིམ་ཅ་ཡ། ལེག་པུ་ཤོ་ དཀོན་མཆོག་ཐུར་ཤ༌ཅ། ཚེ་མ་འགྱུར་བརྟན་པ་ ཉོང་པེ་གི་ལ་དག་ནེ་ལ་ ནཱན་གི་བཀའ་རྒྱ་བ་ཀ་ ཆ་གནས་ཐ་ལེ་ཁེ་ལེ་དག༌ཉི།

ཇི་གི་ ན་ཧ་ལོག་ཉི་རང་ཡེག་ཅ་ བེ་དིང་སོ་ངོ་བ་ ཞིང་ཁམས་ག་རྒྱལ་སྲིད་ནང་ཀ་ ནུ་ཕེ་གེ་ཏ་ ང་མོ་ཁམ་ན་ནང་ཀེ་ནུ་ཕེ་ག་ ཡ་ལུ་ཨོ་ཕེ་དག༌ཉི།

ཉི་ཇི་གི་ ན་ཧ་ཡེག་ཅ་ ཨི་བི་གི་ རོ་ཀ་མེ་ཝག་ཙ་གི་ དམ་ཚིག་མ་ཝ་ག་ལའི་ མ་ཨ་ནེ་བུ་ ཁ་བེརེན་ཐཱན་ བཱརའ་ཀབ་ཉི་ གཉེན་ཕི་ཝ་ཐུར་ ཨོ་ཉ་སོ་ངོ་གི་ གཉེན་གྲོགས་གེ་ཕིས་ཀ་ ལུས་འབྲེལ་ཨན་ཅ་གི་ལ་དག༌ཉི།

ཡི་ཤུ་གི་ རོ་ཀ་སློ་མ་བ་ཀ་ གསུངས་མ་ལ་ ཇི་གི་ ན་ཧ་ཐྲང་ཉི་ཡེག་ཅ་ བེ་དིང་སོ་ངོ་བ་ ཞིང་ཁམས་ག་རྒྱལ་སྲིད་ནང་ཀ་ ནུ་ཕེ་ག་གནམ་མེད་ས་མེད་ ཀ་ལུ་ཨོ་ཕེ།