Populære bibelvers fra LUKASI 12

Del

Ɓasi wanyu wajau, namuke hazahaza, mana uMwana wa Mwanadamu atsoja wakati kamutsoufikiria.»

Namudzishahilise raɓuzi na Utawalizi wa Mungu, amwesa trongo izo mutsov̄olwazo wajau.»

Amwesa awaambia piyawo: «Namufahamu, mudzitahadharishe na kula uv̄endzopara, mana uhayati wa mwanadamu kaulawana na uwengi wa imali yahe.»

Mana v̄ahanu utadjirifu wanyu ulio, ɗe v̄ahanu roho zanyu zitsokao.»

Mbani hari mwanyu ha ihamu yahe, ashindrao aengedze wala ukana mwana trundra hari mwa uumuri wahe?

Ɓasi Insa aambia maswihaɓa yahe: «Iyo ɗe imana nimuambiaoni, musudzitriye hamu na maẽsha yanyu na iyo mutsoɗyao, wala umwili wanyu na iyo mutsopindrao.

Ɓadi ata zinyole shitswani hanyu, zihasiɓilwa piyazo. Ɓas mwasuriye; wanyu muna thamani rahana wengi wa maveru.»

«Usuriye mwana ɓangwe, mana Ɓaɓanyu aono ndjema amuv̄eni uUtawalizi.

Namufikiri ya mahwayi; yao kayataɓu, wala kayavunu, kayana v̄ahanu v̄wa ugamisa zitru, wala kayana kanya, na Mungu uyalisa. Ɓasi ha mara ngav̄i muliona thamani raha na zinyunyi!

Ɓasi wanyu, musudzisonge na izo mutsoɗyao na unwa; musuke na hamu.

Ɓasi neka Mungu upindrisa ha namuna iyo ɗavu lilio malavuni leo ini, meso litsovutswao moroju, v̄av̄o ha mara ngav̄i zaidi atsomupindrisaoni? Uaminifu wanyu wa mushashi halisi!

Kav̄u ata yadzama kaitsov̄enuha, wala siri kaitsojulihana.