Populære bibelvers fra အာစေဖာနီ 3

Del

ခုဝ်၊ ဇဝ်ဖြာ အီ မုး ဇဝ်ဖြာ ပီ ကြိုပ် ဘေ ကွယ် ရိုမ် ဒူပ် ဘေ။ ဇဝ်ဖြာ အီ မိုဝ်း အာဖုင် ဒင်ခုဝ် တာင် မိူဝ် မိုဝ်း ပွုန် တဲး အန် ချွတ် ဘေ။ အန် ဇဝ် ဒီ ဘော ဝီ ခူယ် ကူပ် ဘေ ဟဲ့ လဝ့် နဝ်း အန်။ အန် ဒီ ဘော ဝီ တဲး ဘေ မိုဝ်း အာဆာက် ကာမာယ် ကူပ် ရွက့် ကာဝေ အန် ဒီ ဘေ။ အန် ဒီ တဝ်း မှုဝ် ဒါခိုယ် လွင် ဘေ ဒေါ မုး ဆီငဲ ဘ့လွယ်။

ပန် အန် တီ အုဝ် ဒီ ဝီ ဒိုဝ်း တး ဘေ၊ တဲး ဘေ ဝီ ဇမ် မိူင် ဘြိမ် ဘေ။ အုဝ် ဒီ ဘူင် တဲး ဒူအီ အာမျုဝ် ဟဝ် ကာလာင် နာ မွှိုမ် လွင် ဘေ၊ တဲး ဘေ ယဲတ့် ဒီ အာတ့် ဒူအီ ဒွန် မျုဝ် ဒဲင် ကာဒါယ်။ ဂေ ဒူအီ ဒွန် မျုဝ် ဒီ အိူပ် ဘေ ကူပ် ပဲ့ ဟဲ့ မွင့်ကာရာ ဒွါ အုဝ် ဒီ ဘေ၊ တဲး ဂေ ပွိုန် ဒီ ယိုဝ်။

ဇဝ်ဖြာ ဒီ ဘူင် တဲး မှာပ် ဘေ ဟြာယ် တူတ့် ဘော ဒိုဝ်း ဝဲန် ရန်ဆူ ဘေ အီ ဆီ ကာဂုဝ်း ဒီ ဘေ။ ခုန်ဒီခမ် ဒူအီ အီဆာရေလ အီ မုး ဇဝ်ဖြာ၊ အန် ဒီ ဘော ကွယ် ရိုမ် ဒူပ် ဘေ။ ဝါယ် အန် တီ အီ ဒုက် အီ ညှာပ် ဒီ ဟြာယ် ဘော ဘေ အာဝ် ဟူ ခမ် အာဖေ အာရေ။

ဘ်ု ဘေ ယွတ်၊ ဆီငဲ တီ အုဝ် ဒီ ဒမ် မှာပ် ဒီ ဂေ အီ ဟဲ့ ဒွိုမ် ခါနှာပ် ဘေ။ အုဝ် ဒီ ဝီ ဒွါ ဂျာမ်ဆာ ဒီ ဂေ အီ တူ ပွိုန် ဟာဝ်။ ဂေ အီ ဟဲ့ ဒွိုမ် တဝ် ကာယဝ်း၊ အုဝ် ဒီ ဝီ တဲး ဂေ ဝီ တး ကာဇု။ ဂေ အီ ဟဲ့ ဒွိုမ် မွှိုမ် ဆာယ်၊ အုဝ် ဒီ ဝီ ဒွါ တဲး ဂေ မိုဝ်း အာဖုင် ဆာရေ၊ တဲး အီ ဝီ အိူပ် မျုက် ဂေ ဘော ကာလာင် နာ မွှိုမ် လွင် ဂေ။ ခဲင် မိူင် ဒွန် မိူင် အုဝ် ဒီ ဘူင် ပါယ် တီ ဒီ ဂေ အီ ဟဲ့ စှိုမ် ဆာရေ ဘော ခမ် ဒုက်။