Populære bibelvers fra Kèʼlo 32

Del

Wù suúy shó jii, «Yír yée yòʼ kfə̀n dzəə́ yiì a dzə ji Jakov. Á yíi a yòŋ wò lèn ji Isray, bìʼ fo à fùnèn Nyùy, e kfə̀n fùnèn wíri, e kù sò.»

Wù nèn sùúy jii, «Màʼtì mo, é m wáa dù, ndzə sí ráné.» Jakov bìnèr sho jii, «Bó yòʼ dzə̀ m màʼtì wò, à wàa dù, a bó à səə́ví mo.»

Wù siíy, e gòʼ fo bàm, wìr wùmòʼ wìy, wùn wun fùnèn, ndzə káʼ.

Jakov nèn shù yír kirə̀ʼ kee shooy ji Peniel, shu bèy, suuy jii, «Dzə̀ fen fo m yenen sí Nyùy, wù máʼtí dzəʼə̀m yém.»

Mo wìr və̀y yenen ji bó yòʼ dzə̀ wun tàm á wùn Jakov, wù nèn tsə̀y Jakov fo nsəʼ kiyèŋ, kiyéŋ kí shóʼóm.

Wìr və̀y dzə́r shó jii, «Yír yée dzə̀ ji la?» Wù bìnèr ji «Jakov.»

Jakov nèn lòn jii, «Kii wò, ku sùúy e mò, yír yée dzə̀ ji la?» Wù bìnèr jii, «À dzə́r yír yém bìʼ ka?» Wù nèn kù səə̀vì Jakov fo.

Bó m yoʼ fə̀m ghèén e wìr wo dzə̀ à dìn koŋ yé ye wiyí shó mo à kù‑uù sí din e mò, lem ŋkàʼmé wo wò‑oò kàʼàn mo woo wánlè wò lìm sho. Mò‑oò tùm ndzə́v yee Jordan rə̀n, a m kér a dzə̀ mbàŋ yem cáʼcáʼ. Lèn wo m sí kfə́né, m sí kér wíri nyanyày, wùn à nyám si nyanyày, aá sì ŋgoo sibaà.

Á kinyo ke kí yiìn, la rám wìr veé Israyi yòʼ a kfər jav nyàm ye yì kum nsəʼ kiyèŋ, e to lán, bìʼ fo dzəə̀n kirə́ʼ ke Nyùy‑iì tsəyin Jakov fo fo.

Á bèy, Jakov nèn tòŋ e Nyùy jii, «Éè Nyùy atàr vém vee Abraham wùn Aysi. NYùY TàR, kù‑uù sùúy wò ji m kfə́n á e bàm e věr wòŋ fo wír vérí dzəə̀n, e kfə̀n kàʼ ji à yíi a geʼsín a e mò.

M tóŋ e wò ji bòyìr mo fo fər wom Esav wo m fan ji a tàm é ghan símóʼ sí, é wù wiy, e laàr vèr à vikìy, à wóné.