Populære bibelvers fra Kèʼlo 27

Del

M lón ji Nyùy kú a səʼə́r ŋweʼ fo yuv, é nsay wáa fo wò vifá nyanyày, vifá ve yi wùn à *meluʼ mè. Vitúm vi kú a lìm fo wò, e kfə̀n a ghvəm wò. Kù yíi a fo wò sáʼ aàfə́r vée, é wón yè woné kú a ghvəm wò. Nyùy ku shòv wir dzə̀m wo wù roʼ wò, e səə̀vì wir dzə̀m wo wù yii vinyo ve juŋ vi e wò.»

Esav suúy jii, «A kù dzə̀ yír rəə́ wàa dzə rú ji Jakov. Wù bòʼtí ne mo lèn ji akàŋ abaà. Wù‑uù tòmbìy sə̀ viŋgày vé wìr vém moo wan mbìy. Wáa dzə lèn, wù kfən sə̀ kisəəvì ke á kì yíi fo e mò.» Wù suúy bey, e dzə̀r e tàr wov jii, «Kímóʼ kee kisəəvì kí yoʼ bèr ke a dzə̀ à fò e mò a?»

Tàr wov Aysi nèn lò, e sùúy jí sìn sho jii: «Yuúrí, e yù, à wíy a dzə kwaʼda fo nsay ye yì fəər vifá ve yi nyanyày, e kfə̀n a dzə kwaʼda fo kirə̀ʼ ke ŋweʼe gbu, yii, a vifá ve yi vi boŋè. À wíy a lùŋ a dzə̀ fó rər se à maʼà, aà wíy a lìm fo fər wò woo Jakov. Yii bèy, ghán sí wíy gheén, à ŋwáy sáʼ rə́, áà nèn shwèy kimbùŋ ké vikwàn ve à reŋ fo wun.»

Esav kú a lon tàr wov jii, «Kímóʼ kee kisəəvì kí yòʼ dzə̀ə́ ke a dzə̀ à fò e mò a? Tàr wor, ku səə̀vì sa mo.» Wù lón bey, e bùr tóŋ, e nèn a dìy.