Populære bibelvers fra YOHAN 16

Del

Naonhaung" wa ngo we' dadang: dalam: za: ngad: na: ra" khyo" yang ngaui pyo: yaug yo: rure naonhaung" qo" yu genae" qhid' mae" ngo naonhaung" re ce: dao: ta" ru ngad: ra". Naonhaung" wa mug:myid dao mae khyag' qhui: ru kham zo: qo: li" genae"- ngadqere: nhag'lam: dagyug: ge,- ngo wa ce: mug:myid re aung: pye' va"- ga: ta" ra".

Ngadqere: Mao"So: dangman" ra" khyo re qhu" byid' ra" ai: Byo joe" li" lao"- yao: wa dangman" ra" khyo alhab' khyo re naonhaung" re jhui" ye" li" nae". Yao: wa yao: yao" kheim: so' khyo" majhau nae"- yao: wa yao: the' gyo" ra" gu: re jhau mung:- thao phyao: boe" li" nae" ra" khyo jham naonhaung" re ta" kyo" li" nae".

Ana" joe" sho' nga" mang re lao: yang: naonhaung" wa pe" daja: re: mamho' shiko" ngad: ra"- naonhaung" ngaui bau" ru jab byang"li" nae" qhid' mae" mho' ge,- mho' ru we' dakhyo: qo" khae: yu: li" genae".

Ngadqere: naonhaung" re ngo dang za: ta" geli"- ngo phao: lo" ru wa naonhaung" qhid' mae" je: gai: ra". Pe"mung:ga"re ngo maphao: lo" re wa ai: Bao" Thaug' Yaug re: naonhaung" jhao" joe" li" nae" mangad:. Ngadqere: ngo phao: lo" lao" kam" wa ai: Bao" Thaug' Yaug re naonhaung" jhao" ngo lo" nhao: ke' byid: nae". Ai: Bao" Thaug' Yaug joe" li" lao"- yao: wa mug:myid byu qere qobo we' sin: yang: yao: bam myid: shad' ra" khyo rere:- Din:man" ra" khyo rere:- Mao"So: dao: kho' ra" khyo rere:- li" ceim" shid' byid' li" nae".

Ai we' dakhyo: naonhaung" re: ana" wa kaug' na: ako". Ngadqere: ngo wa naonhaung" we' dam: jho" myao mung: naonhaung" nhag' lam: wa ngaui bau: ngaui lho" ru byang" sheim: jo; li" genae". Ai: ngaui bau: ngaui lho" rure khag' re: naonhaung" mae" maqo" yu: pye' byid: genae". Ai: ba na joe" lo lao"- naonhaung" wa ngore pe" re: mho' lo: genae" mangad:- naonhaung" re ngo dang za: ta" geli"- naonhaung" wa nga" mang re lao: yang: yao: re pe" mho' gengadqere: Pho" wa naonhaung" re byid' li" nae".

Naonhaung" re ngo dang za: ta" geli"- naonhaung" wa ngugbyid ngugnhe' we' kaug' ngug: li" genae"- ngadqere: mug:myid byu qe wa ngaui bau" li" genae"- naonhaung" wa kaug' li" genae"- ngadqere: naonhaung" kaug' ru wa ngaui bau: ngaui lho" ru dam: tha" lo" li" nae".