Populære bibelvers fra ल़ेह-पेन 5

Del

ओहले पत्रुस दाङ लेहमेन ल़ेह-पेनया़गी मासीन, “ङ्यिहगी मिहया़गी माक्‍यो तामला मिहम्‍बा, किन्‍ज्‍योगी सुङ नाङग्‍योकी स्‍याहलला गा ङ्यिहन कोहएँ।

ओहले ङ्यिहमा टाहङमा छ्योखाङ दाङ मिहया़गी खाङबा-खाङबाला काहल्‍दी, “येशूॱराङ थार्पा थोप च्‍य़ू नाङगेन मास्‍यीका यिहन” म़ेदी लेहङगु या़हबु स्‍येच्‍ये माहक्‍युर।

ओहजेला पत्रुसगी मासीन, “ए हननिया, नाम्‍पार-ताहक्‍पा थु ङ्याम्‍बु स्‍योप क्‍याहप्‍कें दाङ स्‍यिहङ चोङग्‍योगी टाङगा सिपाज्‍यी राहङ ङ्याम्‍बु ज़्‍या़गेन्‍गी ताम ती़ह गो-छ्येवागी काहन्‍डुमु पेहती ख्‍येगी सेमला काङ तेर्पा? स्‍यिहङ माहचोङबालाॱआङ ओ़ह स्‍यिहङ ख्‍येतीराङ येहकें। चोङ फान्‍ज्‍योॱआङ ओहलेगी ओहङग्‍योगी टाङगा ख्‍येतीराङ यिहम्‍बा। ख्‍येगी राहङगी सेमगी ने़जेबा तेर ख़ूज्‍ये येहकें। दि ल़ेहमु ल़ेह पेहकेन्‍गी साम्‍लु ख्‍येगी सेमला काहन्‍डुमु पेहती ओहङबा? ख्‍येगी मिहया़ला स्‍योप क्‍याहप्‍क्‍यो मिहम्‍बा, किन्‍ज्‍यो ङ्याम्‍बु गा स्‍योप क्‍याहप्‍क्‍यो यिहन।” दि ताम थे़-लुहङ मे़हबाराङ हननिया साला दाङे रिहल्‍दे स्‍यिसीन। दि ताम थे़गेन मिह थाम्‍ज्‍यी ज्‍यिबुराङ ज्‍यी़सीन।

ओ़ह सोङगोराङ ङाह राहङ फे़बेया़ला माउ येह, ओ़ह मिहया़ला च्‍यिॱआङ माहबे, खुङला ताङ चाहङदोङ। त़ेदोङ, दि ताम खुङ राहङगीराङ ज़ोक्‍यो यिहॱना़ खुङया़ तोङदी डोज्‍ये येह। यिहॱनाङ दि किन्‍ज्‍यो ङो़ले यिहन्‍सीमानानी ख्‍या फे़बेया़गी दि मिहया़ला का़ मी़हखुएँ। का़हलेॱआङ का़ज्‍ये पेहसीमाना ख्‍यागी किन्‍ज्‍योला टा़ह पेहक्‍यो म़ेदी ङोह स्‍ये़ज्‍ये येह।”