Populære bibelvers fra માર્ક 9

Del

ઇસુહુ તીયાલે આખ્યો, “તુલે શક નાય વેરા જોજે કા, આંય એહકી કી સેકતોહો! જો એગુહુ માપે વિશ્વાસ કેહે તા તીયા માટે બાદો વી સેકેહે.”

પોયરા બાહકાહા તુરુતુજ બોમબ્લીને આખ્યો, “ઓ પ્રભુ, આંય વિશ્વાસ કીહુ; આંય શંકા નાય કીવ્યુ ઈયા ખાતુર તુ માઅ મદદ કે.”

જાહાં ઇસુ પોતા ચેલા આરી કોમે એખલો આથો, તાંહા ચેલાહા તીયાલે ફુચ્યો, “આમુહુ પુથુલે કાહા નાહ કાડી સેક્યા?” ઇસુહુ તીયાહાને જવાબ દેદો, “ઈયુ જાતિ પુથ પ્રાર્થના વગર કેલ્લીજ ઉપાયુકી બારે નાંહા નીંગી સેકતો.”

ખારોં ઉપયોગી હાય, પેન જો ખારા હોવાદ બીગળી જાય તા, તીયાલે કેહેકી ખારોં કેતામ આવે? તુમાહામે ખારા ગુણ વેરા જોજે, કા તુમુહુ એકબીજા આરી શાંતિકી રી સેકા.”

“જો એગુહુ માંહુ માઅ ખાતુર ઈયુ રીતીકી એક પોયરાલે દયા દેખાવેહે તોઅ ખેરોજ માઅ સ્વીકાર કેહે, આને જો એગુહુ માંહુ માન સ્વીકાર કેહે, તોઅ માન નાય પેન, માન મોકલુનારાલ બી સ્વીકાર કેહે.”

જો કેડો એક ગાલાસ પાંય તુમનેહે ઈયા ખાતુર પાજે કા તુમુહુ ખ્રિસ્તુ ચેલા હાય, તા આંય તુમનેહે ખેરોજ આખુહુ કા તોઅ તીયા મેહેનતુ પ્રતિફલ ખેરોજ મીલવી.”

ઇસુહુ ચેલાહાને આખ્યો, “જો કેડો ઈયા હાના પોયરામેને જો માંપે ભોરોષો કેહે, આને કેડાલે બી વિશ્વાસુમે ઠોક્કર ખાવાવે તા તીયા ખાતુર હારો ઇ હાય કા, એક મોડી કોઅટી પુળ તીયા કોગીમે લટકાવીને આને તીયાલે સમુદ્રમે ટાકી દેવામે આવે.

જો તોઅ ડોંઆ તુ પાપ કેરા ખાતુર ઉપયોગ કેતો વેઅ, તા તીયાલે કાડી ટાક, એક ડોંઆકી કાંણીયો વીને પરમેહેરુ રાજ્યામ જાવુલો મુશ્કિલ લાગતો વેરી, પેન બેન ડોંઆ વિન બી નોરકામ જાવુલો ખુબુજ ખારાબ હાય.