Populære bibelvers fra Matayɔ 24

Del

Jʉ ɓʉɓɨɓɨ ɓa꞊ka tiga ɓaja nadɨndɨ, nʉ ɓombi ɓambukuɓio tii nʉ ɓʉkʉnda ngiɓa ɓʉ ingono. Ɨkyɛmɨngana, mombi ngia a꞊maa ɓʉ ngbɔmʉ kʉɓʉya akʉ 'upipio a꞊nyɨa nʉ ɓʉhɨa.

Ɓa꞊ɓɨakɨa Ɨsaʉ yɛɛ Iɗo ngiinanɨ yɨ Ɓʉngama ngiɓa ɓa ekoo ʉ ɓisi akʉ ɨtaka kʉ iɓomu, ambʉ mababa kʉ ɓombi kʉ muɓomu kʉɓʉa ɓʉtɛmʉ ɓɔngɔ. Kija mbise ɔngɔ, 'upipio wambʉka tiga. »

Ati ngia na꞊kɔ sina‑ɔɔ masaʉ kʉ ɗite nʉ ɓaakɔ ɓʉ ɗite, nɔɔmbambaniakɔmʉ. Jʉ yɨkwanana ɓɔ moni ngikʉnanɨ kʉkyɨanɨa‑zʉ tʉkʉ ndʉ ananɨ. Ɨkyɛmɨngana, iinanɨ yambukuɓio‑zʉ 'upipio wʉ ɨtaka.

Mababa kʉ ɓombi ka꞊mana sina kʉ nʉ mababa kʉ ɓombi nga kɔmɔ. Nʉ ɓʉngama ɓa꞊mana sina kʉ nʉ ɓʉngama nga ɓɔmɔ. Taa yɛɛ ɨja ya꞊kwa sina, kija ajigijo a꞊ɓaa sina akʉ lɨkʉmbʉ kʉ di di di. Moni ngikʉnanɨ kʉ muɓomu kaɓio‑zʉ tʉkʉ ndʉ iya ʉnɔtɔ waadʉa‑ɔɔ moi.

Ekoo ʉ ɓisi nʉ ɨtaka ya꞊ɓaa ɓaa, ɨkyɛmɨngana moni ngikʉsɛmɛ kambʉkʉɓaa sina. »

Jʉ ɓombi ɓaja ɓa꞊ka sina nʉ ino ngiisɛmɛ, ɓinyeni kusigo ɓɔ: ‹ Ɛmɛ Klisito iya! › Nʉ ɓa꞊pɨtaka sina ɓombi ɓaja!

Ati ngiinanɨ, ɓa꞊faniso ɓisi ongo ninu kʉgaba aka ekoo ngia ɓɔ ɓunidyiso ɓʉka‑ɓʉkaɨ, nʉ ninu kʉdʉka. Nʉ mababa kʉ ɓombi kʉ muɓomu ka꞊nɨyaa ekoo ʉ ino ngiisɛmɛ. Ati ngiinanɨ, ɓombi ɓaja ɓa꞊sɨa ɓisi ongo baya ngiindaɓʉ. Ɓa꞊faniso yaana, nʉ gabana tii tʉkʉ ati ʉndaɓʉ. Lɨgbɛ lʉ yakanaka lɨja la꞊ɓwanɨa sina, nʉ ɓaɓio sina kʉpɨtaka ɓombi ɓaja.

Yeso ambuɓutisio ɓɔ: « Pɨmɨeni pɨmɨaa! Mombi ɔɔnɨpɨtakɔmʉ!

Kʉ ɓwanɨ, abana kʉndʉ inu, ɓieni tʉkʉ ɓʉndanɛ, jʉ ɛmɛ Mwana ngia ʉ Mombi ma꞊ka akʉ wati ngua nambukuɓio kʉmbɨa. »

Kʉ ɓwanɨ, pɨmɨeni pɨmɨaa! Jʉ ɓisi ngiɓa Makʉʉndɛsʉ a꞊ka sina‑ɔɔ, inu nambʉkɔmʉ naɓɔ kʉmbɨa.

« Yambʉkɔmʉ nʉ mombi gʉkʉ mʉngana iya aambɨa ɓisi kʉndʉ wati ngua moni ngikʉnanɨ ka꞊kyɨanɨa sina‑ɔɔ. Abana kʉndʉ ɓamalaika ngiɓa ɓa ekoo ʉ ɓisi, abana kʉndʉ ɛmɛ Mwana ngiangɔ, mambukɔmʉkʉmbɨa kʉ ɓwanɨ. Ɨkyɛmɨngana, tʉkʉ Tidoo kʉ nangana akʉmbɨa engo.

Jʉ ɓombi ɓʉ yakanaka ɓa꞊ɓwanɨa ɓisi ongo iɓa ɓaɓio kusigo ɓɔ ɛɓɔ ɓa klisito, nʉ lɨgbɛ lʉ yakanaka. Nʉ ɓaɓio sina kʉkyɨa ɓamoni ɓɔɔ ɓʉmbangɛ nʉ ɓakɔkɔ kʉ di di di, kʉhata kukwisiso ɓombi ngiɓa Asʉɓɨɨ a꞉ɓʉchwa.

Ɓisi ngiɓa Mwana ngia ʉ Mombi a꞊ka sina‑ɔɔ, moni ka꞊kyɨanɨa kʉndʉ ika ka꞉kyɨanɨa jɛnɛ akʉ ɓɔndɔ ɓʉ Nʉa. Jʉ pɛɛ ngia mepo kɔɔ maja ka꞉huoko‑ɔɔ, ɓombi ɓi꞉nye kʉdyakaka nʉ kʉmwakanaka, ɓugue nʉ ɓoi tʉkʉ kʉchɨkana, nʉ kʉchɨkaniso ɓana ngiɓʉndaɓʉ ɓɔɔ ɓoi, kʉɓʉya tʉkʉ isiya Nʉa a꞉kumunio‑ɔɔ amati ʉ ɨngbɔɔ yɛɛ ɨja. Ɛɓɔ ɓambikinye kutunguo ɨngbaa yɨ moni gʉkʉ mɨngana kʉɓʉya tʉkʉ aka mepo kɔɔ maja ka꞉huoko‑ɔɔ naɓɔ kʉdʉka kʉ ɓuɓomu. Yaɓio sina kʉ ɓwanɨ ati ngia Mwana ngia ʉ Mombi a꞊ka sina‑ɔɔ.