Populære bibelvers fra BILANGEN 14

Del

Ola lawan TUHAN janah ola mbiar man kalak si ringan i bas negeri e. La banci la sukah siakap naluken ia. TUHAN kap ras kita janah enggo italukenNa dibata-dibata si ngkawali ia kerina; e maka ola mbiar.”

‘Aku, TUHAN, la sukah merawa, mbelin kekelengenKu, setia, ras dem pengalemi dosa ras kesalahen. Tapi la banci la Kuukum anak ras kempu-kempu seh ku bas kesusuren si peteluken ras si peempatken erkite-kiteken salah orang tuana.’

Adi ngena ate TUHAN man banta, la banci la ibabaNa kita ku je, jenari iberekenNa man banta negeri si mehuli ras si mehumur e.

Tapi erkite-kiteken suruh-suruhenKu Kalep la seri ukurna ras kalak si deban janah ia tetap setia man bangKu, Kubaba ia bengket ku bas negeri si enggo iselidikina e, janah kesusurenna la banci la dat taneh e

Genduari pesehlah kata enda man bana, ‘Ersumpah Aku maka la banci lang, bagi Aku nggeluh, Kusehken man bandu bagi si ikatakenndu. Aku kap si ngerana, e me TUHAN.

Nina TUHAN man Musa, “Asa kai nari dekahna bangsa enda nulak Aku? Asa kai nari dekahna la ia nggit tek man bangKu, aminna gia enggo Kubahan melala tanda kuasa i tengah-tengahna?

Ijunguti kalak e si Musa ras Harun nina, “Ulin min mbarenda mate i Mesir ntah i bas taneh mesawang enda!

Janah Josua anak Nun ras Kalep anak Jepune, dua kalak i bas mata-mata e, ncaingken uisna perban cedana atena. Jenari nina man bangsa e, “Negeri si iselidiki kami tuhu-tuhu sada negeri si seh kal ulina.

Tapi erpadan Aku maka la banci lang, bagi Aku nggeluh janah kemulianKu la banci la ndemi doni enda, sada pe la lit kalak enda bengket ku bas negeri e. Enggo idahna sinalsalKu ras tanda-tanda kuasa si Kubahan i Mesir ras i bas taneh mesawang, tapi la erngadi-ngadi iujina kesabarenKu janah la ia nggit erkemalangen man bangKu. E maka la banci ia ngidah negeri si enggo Kupadanken man nini-ninina. La lit sada pe si enggo nulak Aku banci ngidah negeri e.