Populære bibelvers fra KELUAREN 20

Del

“Aku kap TUHAN Dibatandu, si maba kam ndarat i Mesir nari, inganndu iperbudak. Ola isembahndu dibata-dibata si deban, tapi sembah lah Aku.

Ola ibahanndu gana-gana tah gambar-gambaren kerna kai pe si lit i datas langit, i doni, ntah pe si i bas lau i teruh doni. Ola kam erjimpuh man gana-gana ntah pe ersembah ku je, sabap Aku kap TUHAN Dibatandu si percemburu. Asa kai kalak si ernembeh ate man bangKu Kuukum ia, ras anak-anakna, seh ku kesusurenna si peteluken ras si peempatken.

Mehamatlah man bapandu ras nandendu, gelah banci kam ndekah nggeluh i bas negeri si Kubereken man bandu pagi.

Inget wari Sabat janah pebadiaken lah wari e.

Ola ipakendu gelarKu guna tujun si jahat, sabap Aku TUHAN Dibatandu, la banci la ngukum asa kai kalak si nalah gunaken gelarKu.

Enem wari arus kam erdahin guna ndahiken dahinndu; tapi wari si pepituken e me sada wari pengadi-ngadin si man persembahenken man bangKu saja. I bas wari e, ise pe la banci erdahin: kam, anak-anakndu, budak-budakndu, asuh-asuhenndu, bage pe kalak pertandang si ringan i bas negerindu.

Ola mengga atendu rumah kalak; ola mengga atendu ndeharana, budakna, lembuna, keledena, ntah kai gia sikerajangenna.”

Ola ibahan-bahanindu salah kalak.

Ola erlua-lua.

Ola munuh.

Ola nangko.