Populære bibelvers fra รม 8

Del

เอ มืร แฮะ นับ, แคะ ปี กาดูห เอ ดอน โมยว, เฌาพรา ดี โบง แตห อึณ แบน อาฆยึร ดี เฆ อี ร็อก อัน, อี มูห ดูอี แปะ แฮะ อึง อัน เฌา ดี ร็อห.

โอว แฮะ นับ ซีคยา, อาว มึห คอ อู โมยว อี ดี ปึอน โบง แตห เอ ลาย กาฆ็อห ดี เฌา เยซู อี มูห ดา กาณา อี อึบ เอ. บอ มูห ลอง โลว ยัม บอ ลอง ซี อีม, บอ มูห อามู อามาด เฌาพรา, บอ มูห กานัม, บอ มูห อาคราว ดอ ตี นี บอ อาคราว อี ดี ตัห วาย นี, บอ มูห โมยว อี มึห ปวน แบน โมยว แบน โมยว, บอ มูห อาโมยว อี กอย แคง ฆางหราว บอ อี กอย แคง มืง มารานัะ, บอ มูห อาโมยว ปี พาน เบลห เฌาพรา, ฌึร ตี ดอน โมยว, อึณ ตู ปึอน โบง แตห เอ ลาย กาฆ็อห ดี เฌาพรา อี แฮะ ร็อก เอ, อี แฮะ แตห บอ เฌา เยซู ร็อก เอ.

ปาย ตี, น็อห พึอม เฌาพรา มืร ดี จอย เอ โกบ ตู มึห เอ โปลม เฆ แฮณ. โคว, เอ ตู นับ ปี ดี โลว ซาคึร บอ ปี ดี โลว หมาณ เอ ดี เฌาพรา. อึณ ยี มูห น็อห พึอม เฌาพรา, อัน ดี จอย เอ วี ซาคึร บอ หงูน ดอ ตู ปึอน เอ กาลาง เลห โฆรห.

โกบ คราม อัน เฌา ดี โบง ปาย ตี, เอ แฮะ นับ ซีคยา, เซ เฌาพรา แฮะ กอย บลาก เอ, อาว มึห อาเซ อี ปึอน กาบัห ดี เอ.

โคว อัน ตี อาว มึห อาเซ อี ปึอน ดี ดัม หมาบ ดี เฆ ดูอี อี หณึม บึง เฌา เยซู.

เซ ดูอี เฌณฌา มี ลอง ปี อึง น็อห บรีม เฆ, อึณ ดี แตห เฆ ยัม. เซ ดูอี เฌณฌา ลอง ปี อึง น็อห พึอม เฌาพรา, อึณ ดี แตห เฆ ปึอน อาซาก, ปึอน บอ น็อห ฆัด เฆียด.

เอ ปี บอ คัม ดูก แบน โมยว แบน โมยว, อึณ ยี ตู แตห เอ ลาย กาฆ็อห ดี อัน เฌา. ปี คัม เอ ฌึร ตี ดอน โมยว, อึณ ดี แตห เอ ออง โตต ดอน โมยว โกบ แฮะ ร็อก อัน เฌา ดี เอ.

โอว บอ เฌณฌา ลอง ดูก ปี คัม เอ ดอ ตี นี. โอว แฮะ นับ, อึณ ตู หงึย ดี กาดาน ดอ เหมา ดี อาพูง ดังโคว อี ดี ลึห ซีคยา นา อาต ฮาว.

โคว, อาว มึห มาเซ อี ดี ปึอน โบง แตห เอ ลาย กาฆ็อห ดี เฌา เยซู อี แฮะ ร็อก เอ. บอ มูห อี ดูก อี หณาบ ดี น็อห, บอ มูห ดูก ปี คาหนาบ อี เฮา ดี เอ บอ ดูก ตู มึห ปี ดี โฮม ปี ดี ตา, ดูก ดี อาเพ อาเร บอ ดูก ปี ซี ง็อห อี ดี เอ, ฌึร ตี ดอน โมยว, อึณ ตู ปึอน โบง แตห เอ ลาย กาฆ็อห ดี เฌา เยซู อี แฮะ ร็อก เอ เซเซ.

เฌาพรา อี นับ ปี ปาย แคง น็อห แคง พึอม เอ, อัน นับ บอ ปี ปาย น็อห พึอม เฌาพรา. น็อห พึอม เฌาพรา ตี, อัน แฮะ วี ซาคึร ดี เฌาพรา ดาง เฆ อี หณึม ซีคยา ดอน อี. อัน บอ ซาคึร แตห อึณ โดบ ปี อึง เฌาพรา.

เฆ อี แฮะ คัม ดี แตห น็อห พึอม เฌาพรา แยต เฆ, เฆ แฮะ แบน ฆอน เฌาพรา.

เฆ อี โดบ น็อห บรีม, เฆ มืร นับ ดี เฌณฌา มี ลอง ปี อึง น็อห บรีม ตี. เฆ อี โบง โดบ น็อห พึอม เฌาพรา, เฆ นับ ดี เฌณฌา ลอง ปี อึง น็อห พึอม เฌาพรา.

เฌาพรา ตู หลัยะ ฆอน อัน อี มึห แคะ อู วี ตี. อัน แฮะ คัม ดี แตห ฆอน อัน ตี ยัม กาดาง หมาบ เอ ดูอี ดอน อี. อัน ดี บอ เฆฌู เอ, ดัว ดี เอ บอ เฌา เยซู บอ อาโมยว เฮา, แคะ ปี โลว เอ ดอน โมยว.

น็อห พึอม เฌาพรา, แฮะ แตห น็อห พึอม เอ นับ, เอ แฮะ แบน ฆอน เฌาพรา. โกบ แฮะ แบน เอ ฆอน เฌาพรา ตี, เอ มืร ดี ปึอน คาฆูน ปี ดัว เฌาพรา ดี เอ. บอ เฌา เยซู บอ เอ ดี ปึอน คาฆูน ตี เซ เอ แฮะ คัม ดูก ปี เฌา เยซู แฮะ คัม. ปัน ตี เอ มืร ดี ปึอน อาพูง ดังโคว ปี อัน.

เฆ อี เฌณฌา มี ลอง ปี อึง น็อห บรีม เฆ, เฆ ดี แบน รันซู เฌาพรา โกบ ตู ซี โบง โดบ เฆ ดารา เฌาพรา. เฆ ปี บอ วี ซี โบง โดบ มืร, เฆ ตู ปึอน โดบ.

แคะ กอย ปี พาน เบลห เฌาพรา ดอน โมยว, เฆ หน็อะ อึณด็อะ กาเซา บอ บัร ดี ยอด ปัน ดี บยัะ เฌาพรา ฆอน อัน เฆ ดอน อี.

เอ แฮะ นับ แคะ ปี พาน เบลห เฌาพรา ตี ดอน โมยว, เฆ แฮะ คัม ดูก ตาง กาเซา กอ ฌัม อาตึร นี. เฆ บอ หงูน ปี อีบึณ แฮะ เซา ดี มึห ฆอน.