Populære bibelvers fra เลห 8

Del

เฆ ดูอี อี นับ ดี โบง มยัะหลัยะ, เฆ วี ต็อห ดี ฆาว ปวน กานัม ปี บึง เฆ, แตห เฆ วี โบง แบน มากามูด. เฆ ยี ตู แป ดี โบง. เฆ วี ต็อห ดี คูนดีคัม พาโรว, “ฌึร ตี แฮะ มูห ปวน เฌาพรา.” เฆ ปี บอ กาลาง ปาย ตี อึณ ยี ตู ลึบ แคง น็อห คูนดีคัม พาโรว, ตู แตห อัน บยอง น็อห. อึณ ตู แตห อัน โทม โบง ปี ต็อห อาโมวแซ ฆาย อาโรน ตึอน. อึณ แบน โตต ปี ดึอม กาลาง เฌาพรา ลอง อัน ตี.

ดอ อัน ตี เฌาพรา บอ ตึย อาโมวแซ ฮาว ฌัม โดง กอย คูนดีคัม พาโรว, แตห อัน ต็อห ดี อัน, “เฌาพรา ต็อห, ‘แตห แม ควาง ดูอี อีซาเรลัะ, แตห เฆ เลห ฮาว หลู ดี โอว.

อึณ ยี มูห คูนดีคัม พาโรว ตึอน, ดอ ยึร อัน ลอง ดูก มาโระ ตึอน อาว ฮู มึห, อัน ตู วี บยอง น็อห อัน. อัน วี กอย ปี บรีม. อัน ตู วี โทม โฆรห เฌาพรา, ตู วี โบง ปี ต็อห อัน ดี อาโมวแซ ฆาย อาโรน ตึอน. ปาย ตี อึณ แบน โตต ดอน โมยว ปี ดึอม กาลาง เฌาพรา ดี อาโมวแซ ฆาย อาโรน.

เซ แม ตู แตห เฆ เลห ฮาว, โอว ดี แตห แม กาดูห ดูก ตาง. โอว ดี แตห มาโระ เฆ กืน ตัห ฌัม แคง มืง, แตห เฆ กอ โนะ แคง มืง บอ มืง.

วาย อัน ตี เฌาพรา วี ต็อห ดี อาโมวแซ, “แตห อาโรน ดึห อึณกรวน อัน, มัห กาปูห อี กอย แดง กาดาย. วาย อัน ตี กาปูห แคง มืง แอฆึบ ดี แบน มากามูด อี ก็อะ อี.”

เฌาพรา แฮะ ฮอต กาลาง ปาย ตี อัน มืร โบง ปี ต็อห อัน. มารอย ตึอน ตัห แบน พึง แบน พึง. เฆ ตัห กาดึม กาง คูนดีคัม พาโรว บอ กาง เฆ อามู อามาด อัน. มารอย เฆ ตี, เฆ โบง แตห อึณ ลึร โตต ดอน โมยว แคง มืง บอ มืง.