Populære bibelvers fra เลห 15

Del

อัน ต็อห ดี เฆ, “โอว มูห อัน เฌา ปี กรึบ เบ. เซ เบ บอ โทม ซีคยา โฆรห ปี กาลาง โอว, เซ เบ มืร โทม โบง ปี จัร โอว, เซ เบ โทม โดบ ปี จัร โอว ดี เบ ดอน โมยว, โอว ตู แตห เบ กาดูห ดูก ดี เซา รอฆา ปี ดึอม แตห โอว ดี เฆ ดูอี แอฆึบ. โอว มูห เฌาพรา อี แตห เซา เบ ดอน โมยว หราย โตต.”

เฌาพรา แฮะ แตห โอว มึห โปลม. อัน มืร แฮะ แตห โอว ต็อห โหมว ดาคึย. อัน แฮะ คยอด โอว. อัน เฌา มูห เฌาพรา ปี กรึบ โอว. โอว ดี บอ อืบ อัน. อัน มูห เฌาพรา ปี กรึบ ฆูณ ดัง โอว คา อาต. โอว ดี วี กาลาง ลอง นา หมึอม ปี โบง อัน, แตห ดอน อี นับ.

อึย แม เฌาพรา, เฆ ดูอี ต็อห, อึณ มึห เฌาพรา แบน กาดัง แบน กาดัง. อึณ ยี ตู มึห เฌาพรา อี ปี แม เฌา. อู กาดัง มืร อาว มึห. แม เฌาพรา แฮะ มึห ปวน ตาง กาเซา, แตห แม แป ดี อึบ โตต. แม ยี บอด กาเซา, ตู โบง นา ตู หมึอม. แม เฌาพรา อู กาดัง มึห อาพูง ดังโคว ตาง, แตห ดูอี แบน น็อห โยว. แม มืร นับ ดี โบง นา หมึอม อาม กาเซา. อาว ปี อาเซ.

แม แฮะ คยอด เฆ ดูอี ปี ร็อก แม, แตห เฆ เลห แคง ดูก. โกบ ร็อก กาเซา แม ดี เฆ ดูอี ตี, แม ดี บอ ตึย เฆ ฮาว ดาคึย. ปวน ตาง แม ดี บอ ตึย เฆ, แตห เฆ กอ ฌัม โดง กอย แม เฌาพรา, อี มูห โดง หมึอม, โดง บอด กาเซา.

แฮะ ฮอต, เฆ วี ตัห ฌัม อู โปละ อี จืร มารา. โดง ตี, อึณ มึห อึม. อึณ ยี ซ็อง. อาว ปึอน เดียง อึม ตี. โคว อัน ตี เฆ ต็อห, โดง ตี จืร มารา. ปัน ตี เฆ ดูอี วี ปึณ ดี อาโมวแซ ลอง อัน ตี. เฆ ต็อห, “เหมา อึม ปี ดี เดียง เย?” ปัน ตี อาโมวแซ วี หมาณ กาเซา ดี เฌาพรา. แฮะ ฮอต, เฌาพรา วี บยัะ เฮ อู กาดัง ดี อัน. อัน วี ดึห เฮ ตี, บยัว แคง อึม ตึอน. แฮะ ฮอต อึม วี แบน อึม ซีแงห อู เฌณ, แตห ดูอี ปึอน ดี เดียง อึม ตี. ดอ กอย เฆ ดูอี อีซาเรลัะ ดี โดง กอย เฆ ตึอน, เฌาพรา มืร จัร เฆ โบง ปี อึง อัน, แตห อัน เทว น็อห เฆ, แตห อัน นับ, โยว เฆ ดี โดบ ซีคยา อัน.