Populære bibelvers fra เลห 11

Del

เฌาพรา วี ต็อห ดี อาโมวแซ, “อึณ ดี มึห ดูก ตาง ปอ อู โมยว ปี ดี ตึย โอว, แตห คูนดีคัม พาโรว บอ มืง แอฆึบ โลว คัม. วาย อัน ตี คูนดีคัม พาโรว ดี ควาง เบ, แตห เบ ฮาว. แดง ตี, อัน ดี ซูต เบ เลห อู เฌณ, ตู แตห เบ วี ตัห ดอ เหมา.

แคง มืง แอฆึบ บอ มืง, แคะ มึห ฆอน ฆีณ, เซ อึณ มูห ฆอน อีมาย, โอว ดี ง็อห ยัม ดอน วี. โอว ดี กาจูห ดี ง็อห ฆอน คูนดีคัม อี กอย ดี มาลาง ฆูณ อัน. แฮะ ฮอต, โอว ดี ง็อห ฮาว แตห กอ ฌัม ฆอน หมาย อี กรีด เคาคยูง คูนดีคัม. โอว ดี ง็อห แวน เฆ บอกาเฆลียด. บอ ฆอน ฆีณ เฆ โดว ซัดดาวา, เฆ ดี ยัม โตต. เฆ ดูอี แคง มืง แอฆึบ บอ มืง, เฆ ดี ยาม ตาง, ยาม เหลณ ลอง อัน ตี. อู ซีณ ดอ โฆว อัน กอ ฌัม อาตึร, เฆ ตู ดึอม ยาม ตาง แคะ ตี. บอ นา อาต ฮาว เฆ ตู วี โลว ยาม ตาง ปี แคง หมึร นี.

คา อาต เฌาพรา แฮะ ดึอม กาลาง ดี อาโมวแซ. อัน แฮะ ต็อห, “คูนดีคัม พาโรว ตู โทม โฆรห แม. ปาย ตี โอว ดี ปึอน บยัะ นา หมึอม อาม กาเซา แบน โมยว แบน โมยว หลึอม คา อาต แคง มืง แอฆึบ.”