Populære bibelvers fra ปร 8

Del

แฮะ ฮอต ปัน ตี ดอ เลห ฆาย แคง อึม ตึอน, อึณ วี มึห น็อห พึอม เฌาพรา ตัห ดึห อาพีลีบ อู เฌณ, แตห อัน กอ หราย ดี อาต ดูอี อี ตัห มืง เอทีโอบ, อาว ฮู แตห อัน ยึร อาพีลีบ. อัน ยี วี ฮาว โดบ อึณเตณ ปี โลว ฮาว อัน. น็อห อัน บอ ดาคึย กาเซา.

น็อห พึอม เฌาพรา วี ต็อห ดี อาพีลีบ, “แตห แม ฮาว เครียะ ลักเลา ตี บอ ฮาว รึม โดบ อัน.” ปัน ตี อาพีลีบ วี ฮาว เครียะ ลักเลา ตึอน. อัน วี ยึร ดูอี ตึอน ตีห ทัม แคง บับ ปี แดม ดา ซารา อาอีซายัะ, อี มูห ดูอี อี บยาน โฆรห เฌาพรา. ปัน ตี อาพีลีบ ดีหมอด อัน ต็อห, “อึย ดา, แม นับ ลอง ดาง โฆรห ปี ตีห แม ตี?” ดูอี อี ตัห มืง เอทีโอบ ตึอน, อัน วี เวียะ โฆรห ตี ต็อห, “เหมา โอว ดี ปาย ดี นับ โฆรห อัน ตี, เซ อาว มึห ดูอี มาโนว โอว?” อัน แฮะ ฮอต ต็อห ปาย ตี, อัน วี แดะ อาพีลีบ ตัห โฮะ แดง ลักเลา อัน, แตห ฆาย กอย รึม.