Populære bibelvers fra ปร 16

Del

อาปอลู ฆาย อาซีลาด, ฆาย วี ต็อห, “แตห แม หณึม เฌา เยซู. แฮะ ฮอต, เฌาพรา ดี คยอด บอ แม, บอ อึณโฮม แม.”

แคง หมึร ตี, กาแต ซึอม, อาปอลู ฆาย อาซีลาด, ฆาย กอย ซาคึร ต็อห โหมว ทัม, อืบ เฌาพรา. เฆ อี เฮา อี กอย แคง กาปึม ตึอน, เฆ บอ โทม ปี ต็อห ฆาย. ดอ อัน ตี อู เฌณ, มาอีม วี เยณ กาเซา, แตห เจณ ร็อง บอ แรง แคง กาปึม กาปยาต ลึร โตต อู เฌณ. มาโลห ดอน มาโลห บอ อึณ วึห. วัน ฮีน ปี ปัก เฆ ดี แด บอ เปลา ดอน อี บอ กาวึห โจห โตต.

อัน แฮะ ฮอต แตห ฆาย เลห แคง กาปึม, อัน วี ต็อห, “บาย ดา ซารา โอว, มาเซ ปี โลว โบง โอว, แตห อึณ คยอด โอว?”

ดอ อัน ตี ดา อี บัร กาปึม, อัน แฮะ อีด. อัน วี อึณซึห, วี ยีต บอ ยึร มาโลห แคง กาปึม แฮะ อึณวึห โตต. อัน วี ทอด มาปัวะ ลาง อัน, ต็อห ดี ง็อห อาซาก อัน. อัน ทาง, เฆ ดูอี อี กอย แคง กาปึม บอกาเฆลียด แฮะ ฮอต เลห เตา โตต. อาปอลู ยี ดัด ดี อัน ต็อห, “แม แกวะ ง็อห อาซาก แม, แกวะ โบง มาเซ. เย ดอน อี ซี กอย แคง กาปึม นี.”