Populære bibelvers fra ปร 11

Del

อัน แฮะ ฮอต วี กาตูณ อาซอลู, อัน วี แดะ อาซอลู โดบ อัน, แตห ฆาย วี ฮาว มืง อันทีโอะ. อาดา อู ซีนัม ฆาย กอย แคง มืง ตี, มาโนว เฆ ดูอี แคง พึง เฌา เยซู. แคง มืง อันทีโอะ ตึอน, เฆ จูห ดี แตห เฆ ดูอี หณึม เฌา เยซู จืร ดูอี คีด. (โฆรห “คีด” ตี, ซีเพา อัน เลห, “อี โดบ ดูอี ปี ร็อห ปี ตึย เฌาพรา”).

อัน แฮะ ฮอต ฌัม มืง อันทีโอะ, อัน วี ยึร เฌาพรา แฮะ กาเว บอ เฆ. อัน วี อืบ เฌาพรา, วี มาโนว เฆ, แตห เฆ บอกาเฆลียด โดบ ซีคยา เฌา เยซู, แตห บอ น็อห เฆ ร็อก กาเซา เฌา เยซู. อาบานาบัะ แฮะ มูห ดูอี หมึอม. น็อห พึอม เฌาพรา แฮะ โนะ แคง น็อห อัน. อัน มืร หณึม ซีคยา เฌาพรา. โคว, บอ เฆ ดูอี กืน กอ หณึม อัน เฌา, วี ลึบ พึง เฌา เยซู.

วาย หณึม เฆ เฌา เยซู อี แฮะ คยอด เฆ, ปี ดัว เฌาพรา ดี เฆ บอ ปี ดึอม ดัว เฌาพรา ดี เย, อึณ มูห อู โมยว. โคว อัน ตี โอว ตู ปึอน แคร เฌาพรา โบง ปี อึง อัน.” อาเปตารู แฮะ ฮอต กาลาง โฆรห ตี ดี เฆ ดูอี หณึม เฌา เยซู แคง มืง เยรูซาแลม ตึอน, เฆ ตู วี ต็อห มาเซ. เฆ วี อืบ เฌาพรา. เฆ ต็อห, “อึณ บอ ปาย ตี. เฌาพรา แฮะ แตห บอ เฆ ดูอี อี ตู มูห อาโมยว ยูดา วี แวน น็อห บรีม เฆ, แตห เฆ วี ดึห น็อห กามาย ปี ดัว เฌาพรา ดี เฆ, แตห บอ เฆ ปึอน ดี กอย รึม โดบ เฌาพรา เซเซ.”