Populære bibelvers fra મત્તિ 27

Del

લગ-ભગ દાડા ના તાંણેંક વાગ્યે, ઇસુવેં જુંર થી સિસાએં નેં કેંદું, “એલી, એલી, લમા શબક્તની?” ઝેંનો અરથ એંમ હે, “હે મારા પરમેશ્વર, હે મારા પરમેશ્વર, તેં મનેં હુંકા સુંડ દેંદો?”

અનેં ભાળો, વેયો મુંટો પડદો ઝી મંદિર મ ટાંગેંલો હેંતો, ઝી બદ્દ મનખં નેં પરમેશ્વર ની હાજરી મ ભરાવા થી રુંકતો હેંતો, ઇપેર થી નિસં તક ફાટેંનેં બે ટુકડા થાએંજ્યો. અનેં ધરતી ડુંલેં ગઈ અનેં ભડભેંટેં તેડાએં ગજ્યી. અનેં કબરેં ખોલાએં ગજ્યી, અનેં ઘણં બદં પરમેશ્વર ન પવિત્ર મનખં ઝી મરેંજ્ય હેંતં વેય પાસં જીવતં થાએંજ્ય.

તર ઇસુવેં ફેંર જુંર થી સિસાએં નેં જીવ કાડ દડ્યો.

તર યહૂદી મનખં ના અગુવા અનેં ઝી હેંનેં હાતેં-હાતેં ઇસુ ની રખવાળી કરેં રિયા હેંતા, ભુકમ અનેં ઝી કઇ વેંહાં થાયુ હેંતું, હેંનેં ભાળેંનેં જબર સમકેં જ્યા અનેં વેયા કેંવા મંડ્યા, “હાસેં હાસ ઇયો પરમેશ્વર નો બેંટો હેંતો!”

બફોર ના લગ-ભગ બાર વાગ્યા થી લેંનેં તાંણ વાગ્યા તક હેંના આખા દેશ મ ઇન્દારું થાએંલું રિયુ.

પિલાતુસ રાજપાલેં હેંનનેં પૂસ્યુ, “ફેંર ઇસુ નેં, ઝી મસીહ કેંવાએ હે, હું કરું?” બદ્દવેં હેંનેં કેંદું, “હેંનેં ક્રૂસ ઇપેર સડાવ દો.” હાકીમેં કેંદું, “હુંકા, એંને હું ગુંનો કર્યો હે?” પુંણ વેય ફેંર વદાર સિસાએં-સિસાએં નેં કેંવા મંડ્ય “હેંનેં ક્રૂસ ઇપેર સડાવો, હેંનેં ક્રૂસ ઇપેર સડાવો.”