Populære bibelvers fra Nugana 21

Del

Ta Ieoba Sara ‘ena ‘i apwesa na‘ieana ‘i onaona, ta Ieoba Sara ‘ena ‘i guinua na‘ieana ‘i gwaegwae ni‘atu.

Ta Eaubada goama ‘enana ‘i nonona; ta Eaubada ‘ina anelose Agari ‘ena ‘i bwau garewega, ta ‘i eonena, Agari ie, mwa‘adega ‘oio? gea‘abo ‘u da ‘atesa‘ara; Eaubada goama ‘enana ‘i nonona ‘ena ‘i miami ta ‘enega. ‘U da tooro, goama ‘u da ‘a‘ari, ta nimamuiega ‘u da giiaina; ia da bubuna be ‘i da e ‘asa sinabwana ta ‘enega.

Ta Sara i ‘euwana, ta Aberaamo ‘ena iawasina dudurana ‘ena me‘olotona ‘i enatunena, tuta ‘ai‘aila nina manuna Eaubada ‘ena ‘i ona ni‘atu.

Ta Sara ‘i gwae, Eaubada edagi ‘i sa‘u ‘eguia; iauiaudi si nonona ma‘ieagu ‘a da edagi.

Ta Eaubada Aberaamo ‘ena ‘i ona, Gea‘ abo matamuia ‘i da mwau goama me‘olotona nina manuna, ta ‘imu waine‐ioniionina manuna; iage iauiauna ‘enega Sara ‘i eonaio, ‘enana ‘u da nono; Isaako ‘ena tubumuao si da eesedi.

Ta wate waine‐ioniionina natuna ‘enega ‘asa ia da bubuna, tauna natuio ta ‘enega.