Populære bibelvers fra Filipenses 4

Del

Na brigin tumen katar niso, molintumen ta phenen sa tumare brige e Devleke. Mangen letar ta den le fala.

Ta o Del ka del tumen pi pas kai si gia bari kai o sueto nasti acharel la, ta goia pas ka arakhel tumaro lio ta tumare mislura cheres o Kristo Jesus.

Phlalalen, mislin tumen ande sa so si chachuno, so si le liubao, so si chacho ta lacho, so si posteno, sogo si pinllardo kai si lacho, sogo si lachipe kai cherel te chudi tut, mislin tumen ande sogo prilichil letar te avel blagosime.

Sai nakhav varesavo bilachipe soke o Kristo del man e zor.

Veselin tumen ando Del suako llive. Pale phenav tumenge: ¡Veselin tumen!

Goleke, o Del ka del tumen sa so trubul tumen, katar po glamno barvalipe kai si ando Kristo Jesus.

Cheren sa so sikadem tumen; cheren sa so dikhlen kai me cherdem ta so asunden kai me phendem. Ta o Del kai del amen pi pas, ka avel tumenchar.

Sa e llene te acharen kai tumen sen postene. O Gazda si pase.

Llanav so si te zivi ando chorripe, ta llanav so si te zivi i ando barvalipe.

Ni phenaule soke trubul man vareso, soke sikilem te veseliu man sogo te avela man.