Populære bibelvers fra Numeros 14

Del

A na vazdiniaol po Del, ta na daran katar gola llenen katar goia phuv, soke amen ka jalen sargo marrno, len inai ko te pomozil len, a amenchar si o Del. ¡Na daran!

Me sem o Del kai ni joliaivav oma ta sem baro ando volipe. Me prostiv o bilachipe ta golen kai vazdiniaon pe mande, ta ni phenav kai o dosalo si lacho. Me ochiniu o bilachipe e dadengo ande lenge chaurre, ande lenge unukura ta para unukura ta ande lenge para unukunenge o nukura.

A te avila drago e devleke vou ka inllarel amen kai goia phuv ta ka del la amenge. Goia phuv si kai o thud ta o aullin llan sargo pai.

A samo mo ande mo sluga Kaleb saia iek duo kai ni saia sargo ogolengo ta kandia man chachimaia. Goleke le ka mukav te del ande phuv kai llelo te dikhel ta leko porodo ka zil kote.

Goleke lla ta phen lenge kai me phenav gia: Me, o Del jav sovel pe mo zivoto kai ka cherav te perel pe tumende isto e orbe kai asundem kai tumen phenena.

ta o Del phenda e Moiseseke: ¿Pegachin ios gava foro ka del man e zea? ¿Pegachin ios ni ka pachan ande ma, ta ande bare ezgode kai cherdem maskar lende?

Saurre thode te den orba e Moiseseki ta e Aaronoki. Ta phenena: ¡Daboida te mulama ando Ejipto, o kate po pusto!

O Josue ta o Kaleb i von llelea te dikhen goia phuv, chinde pe patave te dikhol kai sea dukhade ta phende sa e israelenge: ¡E phuv kai llelam te dikha si but sukar!

A gia sar si o chachipe kai me ziviu ta kai mo baripe pherel sa e phuv, ni iek katar gola kai dikhle mo baripe ta e bare ezgode kai cherdem ando Ejipto ta po pusto ta kai zumade man des droma ta ni kamle te kanden man, ni iek lendar ni ka dikhen e phuv kai phendem kai ka dav la lenge puranenge. Ni iek katar gola kai joliarde man ka dikhen la.