Populære bibelvers fra Ebreos 13

Del

Na zivin brigime katar e love, morabi te aven vesele e ezgodenchar kai si tumen, soke o Del phenda: Nikada ni ka mukau tut korkorre.

O Jesukristo si isto gua arachi, allive ta sa e bursenchar.

Goleke sai phena pachamaia: O Gazda si kai pomozil man; ni ka darav. ¿So sai cherela mange o manus?

Na bristaren tumen te cheren o lachipe ta te pomozin averen soke gala si e kurbanura kai si drago e Devleke.

Goleke ando Jesukristo morabi te blagosi e Devle suako llive. Gava blagosipe si o kurbano kai morabi te da. Goleke ¡Blagosi le amare alavenchar!

E llene kai si zinime morabi te den liubao iek avere pe suako ezgoda ta morabi te aven chache iek averea, soke o Del ka dukhavel gole llenen kai kurvinpe ta kai inai chache kana zininpe.

Na bristaren tumen te aven pachivale e llenenchar kai aven ande tumare chera, soke but droma nesave llene kai si pachivale ni thode sama kai sea suechura gola kai soute lende.

O Del katar e pas kai vazdia katar o meripe amare Gazda e Jesukristo, o Baro Chobano e bakrengo, kai pe ratea achilo pe orba ostade, goleke mangav te cherel tumen lache pe suako ezgoda, te sai cheren leki volia.